काठमाडौँ। समाजवादी मोर्चाको बैठक जारी छ । बैठक नेकपा एकीकृत समाजवादीको केन्द्रीय कार्यालय आलोकनगरमा भइरहेको छ । 

बैठकमा नेकपा माओवादी केन्द्र, एकीकृत समाजवादी, नेसपा र विप्लव  नेतृत्वको नेकपाका शीर्ष नेताहरुको सहभागिता रहेको छ ।  माघ १८ देखि संसद अधिवेशन शुरु हुँदैछ । संसदमा प्रतिपक्षलाई कसरी सशक्त रुपमा प्रस्तुत गर्ने ? भन्ने बारे लगायतका विषयमा छलफल गर्न आजको बैठक राकिएको मोर्चाका एक नेताले जानकारी दिनुभएको छ । 

समाजवादी मोर्चाले मंगलबार मात्रै राजधानीमा विचार गोष्ठीको आयोजना गरेको थियो । त्यसको भोलि पल्टै बुधबार बैठक बसेको हो । 

माओवादी केन्द्रका अध्यक्ष पुष्पकमल दाहाल प्रचण्डले  प्रधानमन्त्रीबाट बर्हिगमनम परेपछि समाजवादी मोर्चामार्फत सक्रिय हुन थाल्नुभएको छ । माओवादी अध्यक्ष प्रधानमन्त्री छउन्जेल करिब डेढ वर्ष मोर्चा निस्क्रिय थियो ।