काठमाडौँ । नेपाल स्टक एक्सचेञ्ज (नेप्से) परिसूचक आज सामान्य अंकले बढेको  छ । मंगलबार नेप्से परिसूचक ५ दशमलव ६० अंकले बढेर २  हजार ७१ दशमलव ७७ को विन्दुमा कायम भएको छ ।
     
आज ३ सय १९ कम्पनीको ९४ लाख ३५ हजार ४ सय ५४ कित्ता शेयर,  ६० हजार ८ सय ५८ पटक खरिदबिक्री हुँदा ४ अर्ब १८ करोड ७७ लाख ९६ हजार  ८ सय ३३ रुपैयाँ बराबरको कारोबार भएको  छ ।

बैंकिङ समूह शून्य दशमलव ४६, वित्त समूह दुई दशमलव १५, निर्जीवन बीमा शून्य दशमलव २२, व्यापार शून्य दशमलव १८ र अन्य समूह शून्य दशमलव ०१ प्रतिशतले घटेको छ । अरु सबै समूहको उपसूचक बढेको छ । विकास बैंक समूह शून्य दशमलव ३२, होटल तथा पर्यटन एक दशमलव १२, जलविद्युत् एक दशमलव १८, लगानी एक दशमलव ७०, जीवन बीमा शून्य दशमलव ५५, उत्पादन तथा प्रशोधन शून्य दशमलव ३९, लघुवित्त शून्य दशमलव ३४ र लघुवित्त शून्य दशमलव ४२ प्रतिशतले बढेको छ ।
     
ग्लोबल आईएमई बैंक डिबेञ्चर २०८४/८५ को शेयर मूल्यमा सकारात्मक सर्किट लागेको छ । साधना लघुवित्त वित्तीय संस्था लिमिटेडको शेयर मूल्यमा नकारात्मक सर्किट लागेको छ । कारोबार रकम र कारोबार भएको शेयर सङ्ख्याका आधारमा सबैभन्दा धेरै  १४ करोड ८३ लाख  ८ हजार १६ रुपैयाँ बराबरको २ लाख २४ हजार ९ सय ९२ कित्ता शेयर  कारोबार भएको छ ।