नेपालकैरन
बागलुङ । चैतेदशैँका अवसरमा बागलुङमा परापूर्वकालदेखि सञ्चालन हुँदै आएको ऐतिहासिक चैत्राष्टमी मेलाको तीव्रताका साथ तयारी भइरहेको छ ।
मेलाका लागि आयोजना गरिएका प्रतियोगिताको व्यवस्थापनदेखि मेला भर्न आउने अतिथि र दर्शकका लागि मञ्च तथा मैदानको व्यवस्थापनको काम भइरहेको हो । कालिका भगवती गुठी व्यवस्थापन समितिको आयोजनामा चैतको ३० गतेदेखि मेला शुरु हुनेछ ।
मेलाका लागि सबै तयारी अन्तिम चरणमा पु-याएको आयोजक गुठीले खर्च व्यवस्थापन भने कठिन भएको बताएको छ । मेलामा ५५ लाख रुपैयाँ खर्च हुने समितिको अनुमान छ । मेला हेर्न टिकटको व्यवस्था नभएको र सरोकारवालाको सहयोग नपाउँदा आर्थिक व्यवस्थापन कठिन भएको गुठीका अध्यक्ष कुमार खड्काले बताउनुभयो ।
मेलाका लागि गुठीले १५ लाख रुपैयाँ दिने गरेको छ । प्रायोजकबाट १५ लाख अपेक्षा गरेको समितिले सोहीअनुसार सहआयोजक तथा प्रायोजक नभेटेको हो । मेला स्थलमा व्यावसायिक प्रयोजनका लागि आउँदा व्यहोर्नुपर्ने झण्झटका कारण व्यवसायीबाट सोचेजस्तो सहयोग नपाएको खड्काले बताउनुभयो । रमाइलो मेलाबाट १२ लाख, आर्थिक सहयोगबाट ३ लाख, मेलास्थलका स्टलबाट ३ लाख र दर्ता शुल्क २ लाख रुपैयाँ सङ्कलन गर्ने लक्ष्य समितिको छ ।
मेलामा पुरुष भलिबल, लोकदोहोरी, छेलो लगायतका प्रतियोगिता आयोजना गरेको समितिले १९ लाख पुरस्कारमा मात्रै खर्च गर्नेछ । सोबाहेक प्रतियोगिताका निर्णायक र प्राविधिक तथा अन्य सामग्रीका लागि लाखौँ खर्च हुने अनुमान छ । कलाकार, प्रचारप्रसार, सुरक्षा टेन्ट, इन्धन र पानी बिजुलीसमेत गरेर ५५ लाख रुपैयाँ खर्च हुने खड्काले बताउनुभयो । यी सबै शीर्षकका खर्च जुटाउन स्थानीय, प्रदेश र सङ्घीय सरकारले सहयोग नगरेको गुनासो उहाँले सुनाउनुभयो ।
कला संस्कृति, स्थानीय उत्पादन, व्यापार धार्मिक पर्यटन प्रवर्द्धन गर्ने उद्देश्यका साथ मेलाको आयोजना गरिएको भए पनि सरकारको ध्यान नपुगेको खड्काको गुनासो थियो । बुधबार पत्रकार सम्मेलन गरेर खड्काले मेलाको तयारीबारे जानकारी गराउनुभयो । पुरानो पररम्परागत रूपमा लाग्ने मेलाको स्वरूप परिवर्तन भएकाले आन्तरिक पर्यटक तान्न मेला महोत्सवले महत्वपूर्ण भूमिका खेल्ने उहाँले बताउनुभयो ।
खड्काले मेलाले कालिका भगवती मन्दिरको ऐतिहासिक धार्मिक एवं साँस्कृतिक गरिमालाई अभिवृद्धि गर्ने अपेक्षा लिइएको बताउनुभयो । मेलामा घरेलु उत्पादनलाई विशेष प्राथमिकता दिइने उहाँले बताउनुभयो । चैत्राष्टमी मेला सञ्चालन हुने भएपछि देशका विभिन्न स्थानसहित बागलुङ जिल्लाका विभिन्न ठाउँबाट डालो, नाम्लो, डोका, डाली, नाङ्लो, ठेकासहित घरेलु उत्पादन बिक्रीका लागि व्यापारी आइपुगेका छन् । मेलामा पाँच लाख आन्तरिक पर्यटक आउने अपेक्षा गरिएको छ । मेला वैशाख ६ गतेसम्म सञ्चालन हुनेछ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- जाजरकोट केन्द्रबिन्दु भएर ५.५ म्याग्निच्युडको भूकम्प गयो
- रवि लामिछाने र पूर्वडीआईजी छविलाल जोशीलाई थुन्न आदेश
- ‘गणतन्त्रको विकल्प राजतन्त्र हुन सक्दैन’
- नेपालसँगको सम्बन्धलाई ठूलो प्राथमिकता दिएका छौँः प्रधानमन्त्री मोदी
- जनमोर्चाले गणतन्त्र र राष्ट्रियता रक्षाको लागि अभियान थाल्ने
- भारतीय प्रधानमन्त्रीसँग राम्रो कुराकानी भयोः प्रधानमन्त्री ओली
- गृहमन्त्रीको राजीनामा माग गर्दै राप्रपाद्वारा प्रदर्शन
- ‘देश र जनताको सेवामा रातदिन खटिँदा पनि मलाई बर्खास्त गरियो’
- हावाको गतिले घटायो वायु प्रदूषण
- बैङ्कक सोचपत्र २०३० जारी गर्दै बिम्स्टेक शिखर सम्मेलन सम्पन्न