
रूपन्देही । प्रधानमन्त्री कप पुरुष राष्ट्रिय क्रिकेट प्रतियोगिताको लिग चरणअन्तरगत अन्तिम दिनको खेलमा नेपाल पुलिस क्लबले त्रिभुवन आर्मी क्लबलाई १४९ रनको लक्ष्य दिएको छ ।
रूपन्देहीको एक्स्ट्राटेक ओभल क्रिकेट मैदानमा टस हारेर पहिला ब्याटिङको निम्तो पाएको पुलिसले ४१ दशमलव चार ओभरमा सबै विकेट गुमाउँदै १४८ रन बनाएको हो । पुलिसका लागि कप्तान दिपेन्द्रसिंह ऐरीले ३७ बलमा तीन चौक र दुई छक्काको मद्दतमा सर्वाधिक ५० रन बनाए । यसैगरी आरिफ शेषले २२ रन र गुलशन झाले १७ रन बनाएका छन् ।
बलिङतर्फ त्रिभुवन आर्मी क्लबका साहब आलमले चार विकेट लिँदा नरेन साउदले तीन, कुशल मल्ल र भीम सार्कीले समान एक/एक विकेट लिए । आठ खेल खेलेको पुलिस अहिलेसम्म अविजित रहँदै प्रतियोगिताको शीर्ष स्थानमा रहँदै फाइनलमा पुगिसकेको छ । आठ खेल खेलेको आर्मी सात खेलमा जित निकाल्दै दोस्रो स्थानसहित फाइनलमा पुगिसकेको छ ।
आजको खेल जुन समूहले हारे पनि फाइनल समीकरणमा यसको कुनै असर हुने छैन् । चैत १६ गते भैरहवास्थित सिद्धार्थ क्रिकेट रङ्गशालामा यी दुवै समूहबीच उपाधिका लागि फाइनल प्रतिस्पर्धा हुनेछ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- शिक्षक महासंघ वार्तामा नजाने
- मधेसवादी सात दलले घोषणा गरे संघीय लोकतान्त्रिक मोर्चा
- उदयपुरमा मोटरसाइलको ठक्करबाट एकको मृत्यु
- सरकारकै कारण तीनकुनेमा हिंसा भड्कियो : कमल थापा
- सर्वोच्चद्वारा कुलमानको रिटमा अन्तरिम आदेश दिन अस्वीकार
- मुस्ताङमा ३ लाख ९७ हजार पर्यटक भित्रिए
- आइएफआरसीद्वारा नेपाल रेडक्रसका अध्यक्षसहित ५ जनालाई प्रतिबन्ध
- ‘मानवको सुरक्षित भविष्यका लागि साझा प्रयास आवश्यक’
- भारततर्फ सामान निर्यातको बाटो खुल्यो
- प्रधाानमन्त्री ओली र श्रीलङ्काका प्रधानमन्त्रीबीच भेटवार्ता