भक्तपुर । ११ देशका कम्युनिस्ट निकट पत्रकार र विद्यार्थी नेताहरुको भेलासहितको १० दिने स्कुल अफ फिलोसोफिकल अध्ययन तथा प्रशिक्षण भक्तपुरमा सम्पन्न भएको छ ।

भक्तपुरको खरिपाटीस्थित विद्युत  प्राधिकरण तालिम केन्द्रमा कम्युनिस्टहरुको फिलोसोफिकल अध्ययन तथा प्रशिक्षण आयोजना गरिएको हो । मदन भन्डारी स्कुल अफ एशियाको आयोजनामा गरिएको प्रशिक्षणको उदघाटन पूर्वप्रधानमन्त्री तथा नेकपा एकीकृत माधवकुमार नेपालको आतिथ्यमा भएको थियो ।

कार्यक्रममा विदेशबाट नेपाल आएका पाउनालाई न्यूरोड , वसन्तपुर ठमेल र नगरकोट भ्रमण समेत  गराइएको थियो । कार्यक्रममा सहभागीलाई माइतीघर मण्डलामा इजराइयल र अमेरिकाविरुद्ध  भएको प्यालाइस्टाइनको सहयोग  सम्बम्धी नाराजुलुशको अवलोकन समेत गराइएको थियो ।

अध्यनशील कक्ष कार्यक्रममा कम्युनिस्ट निकट विदेशी र स्वदेशी विद्यार्थीसहित पत्रकारिता गरिरहेका व्यक्तिहरु पनि भएकोले एशियाको पहिलो रेडियो स्टेसन रेडियो सगरमाथा र रातोपाटी डटकमको टोलीसहित अवलोकन आयोजक सस्थाले गराएको छ।

यहाँ डिजिटल पत्रकारिता ,सम्बन्धी ,छलफल, र विश्वको कम्युनिस्टको एउटै आवाज ‘दुनियाँको मजदुर एक हौ , भन्ने नारा र पुजीवादी ,मार्क्सवादी लेलिन र माओको सिद्धान्तनिष्ठ आवाजको बृहत छलफलसहितको अध्ययन भएको थियो । कार्यक्रमको अतिरिक्त क्रियाकलाप मनोरञ्जन आआफ्नो देशको  भेषभूषा सस्कृति झल्किने नाचगान , मजदुरको नारा , पूँजीपति वर्गले गरेको शोषणविरुद्ध नाटक मंचन ( मिस्टिका–खेलको प्रस्तुति पनि गरिएको थियो । कार्यक्रमको  अन्तिममा ने  क पा  माओवादीका वरिष्ठ उपाध्यक्ष नारायणकाजी श्रेष्ठले  मन्तव्य राख्दै  सहभागीलाई प्रमारणपत्र प्रदान गर्नुभयो । पूर्वउपप्रधानमन्त्री श्रेष्ठले नेपालको हालको अवस्थामालाई नियाल्दै ,नेपालमा कम्युनिस्टहरुको नीति र व्यवहार सुधार गर्ने प्रयास भएको बताउनुभयो ।

उदघाटन तथा समापन कार्यक्रममा ने क पा  ‘विप्लव’निकट चिरन पुन  तथा एकीकृत समाजवादीका  नेता बलराम बास्कोटा सावित्रा भुसाल  माधव पन्त, आचलराज पाण्डे, संगीता तिमल्सिना , अशोक थापा र सुजिता कार्की लगायत सहभागी हुनुहुन्थ्यो ।  आयोजकको सहयोगी सुरज ढकाल रहनु भएको थियो  ।  कार्यक्रम प्रवेश  पोखरेलले संचालन गर्नुभएको थियो । कार्यक्रममा ब्राजिल ,अमेरिका, चाइना पाकिस्तान , बङ्गलादेश , भारत लगायतका सहभागी थिए भने नेपाल, भारत, बङ्गालादेश, पाकिस्तान , इन्डोनेसिया ,भेतनाम, अस्ट्रेलिया , फिलिपिन्स, मलेसिया, श्रीलंका र भियतनाम लगायतका राष्ट्रका प्रशिक्षक हुुनुहुन्थ्यो । 

विभिन्न देशका प्रशिक्षार्थीको सहभागी भएर छलफलसहितको अध्ययनमा केही नयाँपन थियो, जहाँ एक देशकोले अर्को देशको नागरिक सग सहकार्य गरी ज्ञान सिप अनुभव साटसाट गरी मित्रत्वको सम्बन्ध बिस्तार भएको  सहभागीको भनाइ छ ।

– रमा न्यौपाने (आर्ज्या)