भैरहवा । सैनामैना नगरपालिकाको मुर्गिया क्षेत्रमा डिसहोमको इन्टरनेट सेवा केन्द्र स्थापना गरिएको छ । 

नगरप्रमुख फणेन्द्रप्रसाद शर्माले डिसहोमको इन्टरनेट सेवा केन्द उद्घाटन गर्नुभयो ।  कार्यक्रममा स्थानीय जनप्रतिनिधि, डिसहोमका कर्मचारीसहित सर्वसाधारणको उपस्थिति रहेको थियो । नयाँ सेवा केन्द्रले यहीबाट सैनामैना नगरपालिकाका ग्राहकलाई डिसहोमका विविध सेवा उपलब्ध गराउने कम्पनीले जनाएको छ । 

कम्पनीका अनुसार ग्राहकले यहाँबाट इन्टरनेटको नयाँ जडान, रिचार्ज, र टिभी जडान तथा रिचार्ज सेवा बुक गर्न सक्नेछन् । यस सेवा केन्द्रमार्फत अब सैनामैना क्षेत्रका स्थानीय ग्राहकको आवश्यकता समाधान गर्न र गुणस्तरीय सेवा सुविधा थपप्रभावकारी रूपमा प्रदान गर्न सहयोग गरिनेछ ।

डिसहोमको यो नयाँ शाखाले सैनामैना नगरपालिकाका नागरिकलाई डिजिटल सेवासम्बन्धी सहज पहुँच पुर्‍याउन महत्वपूर्ण योगदान गर्ने विश्वास कम्पनीले लिएको छ ।