काठमाडौँ ।  गण्डकी प्रदेशसभा सदस्य दीपक मनाङे ज्यान मार्ने उद्योगमा दोषी ठहर भएका छन् । 

मनाङबाट प्रदेशसभा सदस्यमा निर्विरोध भएर गण्डकीमा विभिन्न पटक मन्त्री समेत बनेका दीपकलाई सर्वोच्च अदालतले ज्यान मार्ने उद्योगमा दोषी ठहर गरेको हो ।

सर्वोच्चका न्यायाधीशद्वय  डा नहकुल सुवेदी र टेकप्रसाद ढुंगानाको इजलासले मंगबार मनाङे ज्यान मार्ने उद्योगमा दोषी ठहर गरेरको हो । मनाङेविरुद्धको मुद्दामा सर्वोच्चले यसअघि उच्च अदालत पाटनले गरेको फैसलालाई सदर गरेको हो।

उच्च अदालत पाटनले मनाङेलाई २०७८ सालमा ५ वर्ष कैद सजाय सुनाएको थियो । २०६१ सालमा चक्रे मिलनमाथि आक्रमण गरेको आरोपमा दीपक मनाङेसहित उनको समूहका युवालाई ज्यान मार्ने उद्योगमा मुद्दा चलेको थियो ।  मनाङेलाई अदालतले त्यही मुद्दामा दोषी ठहर गरेको हो । अदालतले मनाङेलाई ५ वर्षको कैद सजाय तोकेको छ ।