काठमाडौँ ।  मङ्गलबार ह्वात्तै घटेको नेपाल स्टक एक्सचेञ्ज (नेप्से) परिसूचकमा आज भने उच्च अंकले सुधार देखिएको छ । 

नेप्से परिसूचक १ सय ८ दशमलव ३५ अंकले बढेर २ हजार ७ सय ५९ दशमलव ६७ को विन्दुमा कायम भएको हो । आज नेप्से परिसूचक ४ दशमलव ०८ प्रतिशतले बढेको हो । 

आज ३ सय ३० कम्पनीको ३ करोड ८० लाख ४१ हजार २ सय ६७ कित्ता शेयर,  २ लाख १२ हजार ६ सय ८१ पटक खरिदबिक्री हुँदा  १७ अर्ब ९५ करोड ९ लाख १८ हजार ६ सय २७ रुपैयाँ बराबरको कारोबार भएको नेप्सेले जनाएको छ ।

सबै समूहको उपसूचक बढेको छ । सबैभन्दा धेरै अन्य समूहको उपसूचक सात दशमलव ८९ प्रतिशतले बढेको छ । बैंकिङ दुई दशमलव ३२, विकास बैंक ४ दशमलव ५१, वित्त ७ दशमलव ६३, होटल तथा पर्यटन पाँच दशमलव १३, जलविद्युत् पाँच दशमलव ७२, लगानी ३ दशमलव ८९ र जीवन बीमा ३ दशमलव ९७ प्रतिशतले बढेको छ ।

उत्पादन तथा प्रशोधन तीन दशमलव ५३, लघुवित्त दुई दशमलव १७, म्युचुअल फन्ड एक दशमलव ०१, निर्जीवन बीमा तीन दशमलव ०८ र व्यापार समूह पाँच दशमलव ५३ प्रतिशतले बढेको छ ।

आज १० वटा कम्पनीको शेयर मूल्यमा सकारात्मक सर्किट लागेको छ । २ सय ३९ कम्पनीको शेयर मूल्य बढ्दा ३ वटा कम्पनीको मात्रै घटेको छ । कारोबार रकम र  शेयर सङ्ख्याका आधारमा हिमालयन इन्स््योरेन्स लिमिटेडको १ अर्ब ५३ करोड ५३ लाख ६० हजार ४ सय ७३ बराबरको १६ लाख ९४ हजार २१ कित्ता शेयर किनबेच भएको छ ।