काठमाडौँ ।  शेयर कारोबार मापक नेप्से परिसूचक आज उच्च अंकले ओरालो लागेको छ ।

नेप्से परिसूचक मंगलबार १ सय ४५ दशमलव शून्य ५ अंकले ओरालो लागेर २ हजार ६ सय ५१ मा सीमित भएको छ । कारोबार भएका १३  उपसमूहको शेयर मूल्यमा कमी आएको छ । ठूला कम्पनीको कारोबार मापन गर्ने सेन्सेटिभ परिसूचक २७ दशमलव २२ अंकले ओरालो लागेर ४ सय ६४ दशमलव ५६ मा सीमित भएको छ ।

मंगलबार कूल ५ करोड ३८ लाख ४४ हजार २ सय ३७ कित्ता शेयर,   २३ अर्ब ७१ करोड ६७ लाख १६ हजार ८ सय ७४ रुपैयाँमा कारोबार भएको छ । नेप्सेका अनुसार घटेकोे बजारमा थ्री स्टार हाइड्रोपावरको शेयर मूल्यमा १० प्रतिशतले वृद्धि भई सकारात्मक सर्किट लागेको छ । कुर्थली बुखरी स्मल हाइड्रोपावर ९ दशमलव ९७, लक्ष्मी भ्याल्यू फण्ड दोस्रो ३ दशमलव ९४, मेघा म्युचुअल फण्ड पहिलो ३ दशमलव ८१ र रुरु जलविद्युत् परियोजनाका लगानीकर्ताले ३ दशमलव १६ प्रतिशतले कमाएका छन् ।

नेपाल फाइनान्स,गुर्खाज फाइनान्स,सेन्ट्रल फाइनान्स,पञ्चकन्या माइ हाइड्रो पावर र एनआरएन इन्फास्ट्रक्चरको शेयर मूल्यमा १० प्रतिशतले वृद्धि भई सकारात्मक सर्किट लागेको छ ।