काठमाडौँँ ।  क्रिकेटर सन्दीप लामिछानेलाई अदालतले दोषी ठहर गरेको छ । क्रिकेटर लामिछानेलाई  काठमाडौंँ जिल्ला अदालतले बलात्कार मुद्धामा शुक्रबार दोषी ठहर्याएको छ । 

काठमाडौँ अदालतका न्यायाधीश शिशिरराज ढकालको एकल इजलासले क्रिकेटर लामिछानेलाई दोषी दोषी ठहर गरेको हो । अदालतले सजाय निर्धारणका लागि पेश गर्न आदेश दिएको छ ।  अदालतले सजाय निर्धारणका लागि पेश गर्न आदेश दिएको छ ।  

लामिछानेलाई कैद अवधि तोक्न पुस २५ गते फेरि सुनुवाइ हुने भएको छ ।  ३ वर्षभन्दा बढी कैद सजाय हुने मुद्दामा कसुर निर्धारणका लागि छुट्टै सुनुवाइ गर्नुपर्ने भएकाले लामिछानेलाई  कैद अवधि नतोकिएको हो ।  पुस २५ गते न्यायाधीश ढकालको इजलासमै हुने सुनुवाइले लामिछानेलाई कैद, जरिवाना र क्षतिपूर्ति निर्धारण गर्नेछ ।लामिछानेलाई मुलुकी अपराध संहिता २०७४ को दफा २१९ को ३ ङ बमोजिम ७ देखि १० वर्ष कैद हुन सक्ने जनाइएको छ ।

अदालतले सन्दीपलाई बलात्कार आरोप लगाएकी गौशाला २६ नाबालिका नभएको समेत ठहर गरेको छ । गौशाला २६ को उमेर वारदातको समयमा १८ वर्ष पुगेको अदालतको ठहर छ ।