काठमाडौँ । ललितपुरको बालकुमारीमा शुक्रबार गरिएको प्रदर्शनमा २ जनाको मृत्यु भएको घटना छानविन गर्न गृह मन्त्रालयले समिति गठन गरेको छ । 

रोजगार अनुमति प्रणाली (ईपीएस) परीक्षाको विषयलाई दिएर  प्रदर्शनमा उत्रिएकाहरुले भौतिक पूर्वाधार तथा यातायातमन्त्री प्रकाश ज्वाला चढेको  बा २ झ ५८६१ नम्बरको गाडी आजगनी गरेपछि घटना हिंसात्मक बनेको हो ।  मन्त्रीको गाडीमा आगजनीपछि प्रदर्शनकारीलाई नियन्त्रण गर्न प्रहरीले लाठीचार्ज, अश्रुग्यास प्रहार र गोली प्रहार गरेको थियो । प्रहरीको लाठीचार्ज र गोली प्रहारबाट डोटीका २२ वर्षीय वीरेन्द्र शाह र दैलेखका २३ वर्षीय सुजन राउतले जीवन गुमाएका छन् । 

त्यो घटना छानविन गर्न गृह मन्त्रालयले  उपत्यका प्रहरी कार्यालयका डीआईजी लालमणि आचार्यको नेतृत्वमा समिति बनाएको हो । समितिमा ललितपुरका सहायक प्रमुख जिल्ला अधिकारी अमरदीप सुनुवार र राष्ट्रिय अनुसन्धानका उपअनुसन्धान निर्देशक बासु सिग्देल सदस्य रहनुभएको छ ।