काठमाडौँ । ‘नेपालको  कम्युनिष्ट  आन्दोलनमा माधवकुमार नेपाल’ नामक पुस्तक सार्वजनिक भएको छ । 

पूर्वप्रधानमन्त्री नेपालले राजनीतिक जीवनमा व्यहोर्नुभएको विभिन्न आरोहअवरोह समेटिएको पुस्तक  पूर्वराष्ट्रपति डा रामवरण यादवले  मंगलबार एक समारोहकाबीच सार्वजनिक भएको हो । 

लामो समय नेकपा एमालेको नेतृत्व गरेता पनि बाध्यात्मक परिस्थितिकमा कारण नेकपा एकीकृत समाजवादी स्थापाना गर्नुभएका पूर्वप्रधानमन्त्री नेपालको विभिन्न पक्ष समेटेर परमानन्द भट्टले पुस्तक तयार पार्नुभएको हो ।  

पूर्वप्रधानमन्त्री नेपालले पुस्तक विमोचनमा इतिहासका प्रत्येक भोगाइहरु लेखेर राख्न आवश्यक रहेको बताउनुभयो । ‘जीवनका कुराहरु राम्रोसँग नोट गरिएन भने बिर्सिइन्छ, रेकर्ड गरिएन भने बिर्सिइन्छ’ उहाँले भन्नुभयो– इतिहासका महत्वपूर्ण सबै पात्रहरुलाई भन्न चाहन्छु, इतिहासका प्रत्येक घटनाक्रमको बारेमा आफूले देखेका लागेका, अनुभूत गरेका भोगेका सबै कुराहरु लेखेर राख्न आवश्यक छ ।’

पूर्वप्रधानमन्त्री नेपालले नेकपा विभाजन र एकीकृत समाजवादी पार्टी निर्माणमा केन्द्रित रहेर आफूले लेखेको पुस्तक छिट्टै सार्वजनिक हुने समेत खुलासा गर्नुभएको छ ।