काठमाडौँ । साहित्यकार वानीरा गिरीको नाममा स्थापित वानीरा फाउण्डेशनले विभिन्न व्यक्तिलाई पुरस्कृत गरेको छ । 

आज आयोजित कार्यक्रमबीच वानीरा प्रज्ञा पुरस्कार, २०८० प्राध्यापक पुष्कर लोहनीलाई प्रदान गरिएको छ । सात दशकदेखि साहित्य सिर्जनारत लोहनीलाई कविता, कथा, उपन्यास र समालोचनाको समृद्धिमा उल्लेख्य योगदान पु-याए बापत पुरस्कार प्रदान गरिएको  फाउण्डेशनका संस्थापक तथा संरक्षक शङ्कर गिरीले जानकारी दिनुभएको छ ।

नेपाली रङ्गमञ्च तथा चलचित्रकलामा छ दशकदेखि क्रियाशील रही नाट्यकलाको विकासमा विशिष्ट योगदान गरेवापत मदनदास श्रेष्ठलाई ‘वानीरा शङ्कर पुरस्कार’ प्रदान गरिएको छ । यी दुवै पुरस्कारको राशि  एक/एक लाख रहेको छ । कथा र कविताका माध्यमबाट नेपाली साहित्यको संवद्र्धनमा योगदान गरेको भन्दै श्रीमती अनिता तुलाधरलाई  ५० हजार राशिको ‘वानीरा पुरस्कार’ प्रदान गरिएको छ ।

यसअघि वानीरा सङ्ग्रहालयमा अवस्थित डा गिरीको पूर्णकदको सालिकमा प्रा पुष्कर लोहनीबाट माल्यार्पण गरिएको थियो । डा गिरीको विसं २०७८ जेठ ९ गते कोरानाका कारण निधन भएको थियो ।

श्रीमती इन्दिरा प्रसाईंको सभापतित्वमा भएको  समारोहमा प्रा लोहनी, मदनदास श्रेष्ठ, अनिता तुलाधर तथा वानीरा फाउण्डेशनका संस्थापक तथा संरक्षक इन्जिनियर गिरी, कार्यक्रम संयोजक भगवती बस्नेत र सदस्यसचिव नरेन्द्रराज प्रसाइँले साहित्यकार स्व गिरीको कृतित्व तथा व्यक्तित्वमाथि चर्चा गर्नुभएको थियो ।