काठमाडौँ । प्रहरी मुख्यालयमा कार्यालय समय १०–५) जुनसुकै दर्जाका प्रहरी कर्मचारी ट्रयाक, चप्पल, कल्लर नभएको टिसर्ट लगाएर मुख्यद्धारबाट प्रवेश गर्न पाउँदैनन्, हाफ पाइन्ट लगाएर त सर्वसाधारणलाई समेत प्रवेशमा निषेध छ ।
तर, हिजो मंगलबार प्रहरी महानिरीक्षक बसन्त कुँवरको सचिवालयका एसएसपी दानबहादुर कार्की हाप पाइन्ट र टिसर्टमा आफ्नो कार्यकक्षमा गफिइरहेको देखिन्थ्यो । उनका त्यसबेलाको गतिविधिले लाग्थ्यो उनी कार्यालयमा नभएर आफ्नै घरको बैठक कोठामा साथीहरुसँग मजाक गरिरहेका छन् ।
हुनत यतिबेला महानिरीक्षक कुँवर स्वेदशमा छैनन् । मालिक नभएको घरमा नोकरले पनि आफूलाई मालिक नै ठान्छ रे ! त्यही व्यवहार लागू गरेका हुन सक्छन् एसएसपी दानबहादुर कार्कीले पनि । आईजीपीको सचिवालय सदस्य अनि गृहमन्त्री रवि लामिछानेले रुचाएको व्यक्ति किन आफूखुशी नगरुन् त एसएसपी कार्कीले ?
विदेश गएका महानिरीक्षक कुँवर स्वदेश फर्के लगत्तै एसएसपीबाट डिआईजी बढुवा निस्कने नै छ ।
त्यसमा एसएसपी कार्कीको नाम प्रतिस्पर्धी मध्ये कनिष्ठ नै भए पनि सायद छुट्ने छैन, र अर्का पात्र एसएसपी मनोज केसी पनि छनोटमा पर्ने सम्भावना अहिलेसम्मलाई बलियै छ । किनकी, कनिष्ठ भए पनि एसएसपीद्वय कार्की र केसीलाई गृहमन्त्री लामिछानेले नेतृत्व विकास भन्दै बढुवाको चाहना राखेको सार्वजनिक भइरहकै बेला विभागीय निर्देशनकै उल्लंघन गर्ने एसएसपी कार्कीको दैनिकीमाथि नियमन गर्ने कसको हिम्मत ? हिजो हाप पाइन्ट र टिसर्ट लगाएर कार्यकक्षमा बेमतलवी हैसियतमा बसिरहेका कार्कीसँग चियागफमै गफिनका लागि डिआईजीकै प्रतिस्पर्धी मनोज केसी पनि निकैबेर सँगसँगै देखिएका थिए ।
अरुहरु धेरैले पनि महानिरीक्षकको सचिवालयमा कार्यालय समयमै एसएसपी कार्कीको यस्तो हर्कत पटक्कै रुचाएका थिएनन्, तर मुख खोल्न कसैले सकेनन् ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- बिआरआई कार्यान्वयन योजना अन्तिम चरणमा
- कांग्रेस संसदीय दलको बैठक भोलि सोमबार बिहान बस्ने
- समिति गठन नभएसम्म संसद् बैठक अवरोध जारी रहन्छ : महामन्त्री थापा
- गृहमन्त्री लामिछानेको देउवालाई प्रश्न : प्रधानमन्त्री अफरको डेट एक्सपायर भयो कि बाँकी छ ?
- धानलाई मल अभाव हुन्न : कृषि मन्त्रालय
- अवैध ‘प्रिन्स क्रसर’लाई कारवाही गर्न गृह मन्त्रालयको निर्देशन
- पुल एकातिर, खोला अर्कैतिर
- गृहमन्त्री लामिछानेलाई संसदमा बोल्न दिने विपक्षी दलको निर्णय
- प्रतिनिधिसभा बैठक फेरि सर्यो
- बागमतीको नीति तथा कार्यक्रम जेठ १४ गते आउने