काठमाडौँ ।  बूढानीलकण्ठमा ‘साहित्यिक– सांस्कृतिक महोत्सव’ हुने भएको छ । नगरपालिकाको आयोजनामा फागुनको दोस्रो साता ‘बूढानीलकण्ठ साहित्यिक(सांस्कृतिक महोत्सव २०८०’ गर्न लागिएको हो । 

महोत्सव आयोजक समितिका सदस्य तथा साहित्यकार बाबु त्रिपाठीले पहिलो दिन फागुन ११ गते वडा १३ स्थित चुनिखेल र दोस्रो दिन फागुन १२  कार्यक्रम बूढानीलकण्ठ मन्दिर परिसरमा महोत्सव  हुने जानकारी दिनुभएको छ । उहाँले भन्नुभयो– ‘महोत्सवमा राष्ट्रिय कलाकार, कवि, आख्यानकार, संस्कृतिविद्लगायत विद्यालयका विद्यार्थीहरुको सहभागिता रहने छ । सांस्कृतिक सद्भाव र सम्भावनाको आदानप्रदान गर्न महोत्सवको आयोजना गरिएको हो । महोत्सवमा स्थानीय सांस्कृतिक झाँकी प्रस्तुत गरिनेछ ।

उहाँका अनुसार विभिन्न नगरपालिका प्रमुखहरुबीच सामाजिक, राजनीतिक, उद्योग, व्यवसाय, खेलकुद, स्वास्थ्य, पर्यटन, नाटक तथा रङ्गमञ्च, गजललगायत बहुविधा तथा क्षेत्रलाई समेट्दै अन्तरक्रियात्मक कार्यक्रम समेत महोत्सवमा हुनेछन् ।