
काठमाडौँ । लेखक काल विक्रम थापाद्वारा लिखित ‘अमेरिकाको सङ्क्षिप्त इतिहास र संविधान’ नामक पुस्तक सार्वजनिक गरिएको छ ।
माइलस्टोन प्रिन्ट र आयोखबर डटकमले आज आयोजना गरेको पुस्तक विमोचन तथा विमर्श कार्यक्रममा पूर्वउपप्रधानमन्त्री वामदेव गौतम, प्रतिनिधिसभा, राज्यव्यवस्था तथा सुशासन समितिका सभापति रामहरि खतिवडा, नेकपा माओवादी केन्द्रका नेत्री कल्पना धमला, पूर्वराजदूत डा शङ्करप्रसाद शर्मा, प्रा डा सुरेन्द्र केसी र लेखक थापाले संयुक्त रुपमा पुस्तक विमोचन गर्नुभयो ।
पुस्तकमा अमेरिकामा रहेका जनजाति, ब्रिटिस शासन तथा औपनिवेशिक समय, दोस्रो विश्वयुद्ध र त्यसपछिको अमेरिका, अमेरिकाका चर्चित राष्ट्रपति, अमेरिका र विभिन्न युद्ध तथा अमेरिकाको संविधानका मुख्य विशेषता लगायत विषयलाई समावेश गरिएको छ ।
त्यस अवसरमा पूर्वउपप्रधानमन्त्री गौतमले वर्तमान संविधानमा सबै समुदाय र क्षेत्रको अधिकार सुनिश्चित भए पनि कार्यान्वयन मुख्य चुनौती रहेको बताउनुभयो । मुलुक निर्माणका लागि नेपालका कम्युनिष्ट पार्टीबीच एकताको विकल्प नरहेको उहाँको भनाइ छ ।
समितिका सभापति खतिवडाले संविधानमा सबैको अधिकार सुनिश्चित भए पनि समयानुकूल संशोधन गर्नुपर्ने आवश्यकता औँल्याउनुभयो । नेत्री धमलाले नेपालमा प्रत्यक्ष कार्यकारी राष्ट्रपतीय प्रणाली भएका खण्डमा मात्रै देशमा छिट्टै विकास हुने र समृद्ध नेपाल निर्माण हुने विश्वास गर्नुभयो ।
प्रा डा केसीले अमेरिकाको जस्तो स्थिरता र आर्थिक विकासका लागि नेपालका राजनीतिज्ञहरुले आज विमोचन भएको पुस्तक अध्ययन गर्नुपर्ने धारणा राख्नुभयो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- सरकार– उखु किसान वार्ता निष्कर्षविहीन
- प्रधानमन्त्री ओलीले चीन भ्रमणमा लिम्पियाधुरा र लिपुलेक मुद्दा उठाउने
- मनाङमा प्रदेशसभा उपनिर्वाचन कात्तिक १७ गते हुने
- एकीकृत समाजवादीमा पसेपछि वामदेवमा उत्साह
- प्रहरी महानिरीक्षकमा चन्द्रकुवेर खापुङ नियुक्त
- निजी विद्यालय संगठनद्वारा आन्दोलन थप चर्काउने घोषणा
- पूर्व राष्ट्रपति राजनीतिमा फर्कनु संविधानविपरीत होइन : प्रचण्ड
- इम्बोस्ड नम्बर प्लेट निर्णयविरुद्ध जागे नेपाली, आन्दोलन घोषणा
- प्रधानमन्त्री र भियतनामका उपराष्ट्रपतिबीच भेटवार्ता
- जसपाले दुई मन्त्रीलाई फिर्ता बोलायो, वीरेन्द्र र रञ्जुलाई पठाउने तयारी