नेपालकैरन
झापा । झापामा स्वर्गीय पत्रकार नेत्र पाठकको परिवारलाई राहतस्वरुप एक लाख रुपैयाँ प्रदान गरिएको छ ।
नेपाली पत्रकारिताकै इतिहासमा पहिलो पटक पत्रकार महासङ्घकै कोषबाट एकाघर परिवारका सदस्यलाई एक लाख रुपैयाँ प्रदान गरेको हो । पत्रकार सहारा उपचार कोषमार्फत आफ्ना सदस्यको निधन भएमा बढीमा एक लाख रुपैयाँसम्म परिवारका सदस्यलाई राहतस्वरुप प्रदान गर्ने कार्यविधिअनुरुप यो रकम हस्तान्तरण गरिएको महासङ्घका अध्यक्ष एकराज गिरीले बताउनुभयो ।
त्यो रकम स्वर्गीइ पत्रकार पाठककी श्रीमती सीता पाठक र बुहारी हिमा पाठकले ग्रहण गर्नुभयो । महासङ्घ झापा शाखाको कार्यकक्षमा आज आयोजित सङ्क्षिप्त कार्यक्रममा शाखाका पूर्वअध्यक्ष भीम नेम्वाङ र केशव आचार्यले आफ्ना सदस्यप्रतिको यो उत्तरदायित्वको प्रशंसा गर्नुभयो ।
महासङ्घ जिल्ला शाखाका उपाध्यक्ष केशव भट्टराईका अनुसार झापा शाखाले स्थापना गरेको उपचार कोषमा एक करोड ११ लाख रुपैयाँ रहेको छ । कोषको ब्याजमार्फत घाइते वा बिरामी पत्रकारलाई र सुत्केरी पत्रकार महिलालाई समेत उपचार खर्च प्रदान हुँदै आएको छ ।
त्यही कोषमार्फत ज्येष्ठ पत्रकारलाई वार्षिक रुपमा औषधोपचार खर्च पनि पत्रकार महासङ्घ जिल्ला शाखाले प्रदान गर्दै आएको महासङ्घका सचिव डिकेश लामाले बताउनुभयो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- गुरुहरूको आन्दोलन, यात्रुलाई सास्ती...
- ‘सङ्घीय सरकारकै कारण दशौँ राष्ट्रिय खेलकुद स्थगित’
- ‘दर्ता नभए फेसबुक लगायतका सञ्जालमाथि प्रतिबन्ध लाग्छ’
- गभर्नर नियुक्त नहुँदै भट्टविरुद्ध सर्वोच्चमा रिट
- कानुन समितिको प्रतिवेदन पारित, संसदमा पेश हुने
- ‘सरकार परिवर्तनको हल्ला असत्य’
- शुद्धोधन गाउँपालिकाका अध्यक्षलाई लक्षित गरी गोली प्रहार
- कक्षा १२ को परीक्षा समेत प्रभावित हुने संकेत
- मकवानपुरगढीमा सवारी दुर्घटनाः दुई जनाको मृत्यु, १४ घाइते
- छ पटक म्याद थप हुँदा पनि पुल निर्माण भएन