बागमती ।  मकवानपुरमा पूर्ण खोप लगाउने बालबालिकाको सङ्ख्या ९५ प्रतिशत पुगेको छ ।

जनस्वास्थ्य कार्यालय मकवानपुरका अनुसार आर्थिक वर्ष २०८० र ८१ मा पूर्णखोप लगाउने बालबालिकाको सङ्ख्या ९ प्रतिशतले वृद्धि भएको हो । 

अघिल्लो आर्थिक वर्ष २०७९ र ८० मा मकवानपुरमा पूर्णखोप लगाउने बालबालिकाको सङ्ख्या ८६ प्रतिशत रहेकोमा आर्थिक वर्ष २०८० र ८१ मा त्यो सङ्ख्या वृद्धि भई ९५ प्रतिशत पुगेको कार्यालय प्रमुख कृष्णबहादुर मिजारले जानकारी दिनुभयो । खोप लगाउने बालबालिकालाई लक्षित गरी ‘‘खोज र खोप” कार्यक्रम सञ्चालन गर्नु, स्वास्थ्यकर्मीको सक्रियता बढ्नु र अभिभावकसमेत खोपप्रति सचेत हुनु जस्ता कारणले पछिल्ला वर्षमा पूर्ण खोप लगाउने दरमा वृद्धि भइरहेको प्रमुख मिजारको भनाइ छ । 

तीव्र रुपमा बढ्ेको सहरीकरण र त्यससँगै बाहिर जिल्लाबाट समेत मकवानपुरमा बसाइँसराइ गरी आउने क्रम बढ्ेकाले पनि खोप लगाउने बालबालिकाको सङ्ख्या बढेको उहाँले बताउनुभयो । 

जिल्लामा दारुरा रुबेला र जापनीज इन्सिफ्लाईटिस (जेरी) खोप लगाउने दरमा समेत विगत वर्षको तुलनामा केही सुधार भएको छ । आव २०८० र ८१ मा शतप्रतिशत बालबालिकालाई जेरी र ९९ प्रतिशत बालबालिकालाई दादुरा रुबेला खोप लगाइएको जनस्वास्थ्य कार्यालयले जनाएको छ । 

यस्तै जन्मिएदेखि १५ महिनासम्म लगाइने बिसिजी खोप, पाँचथरी खोप लगाउने बालबालिकाको दरमा केही कमी आएको छ । कार्यालयको तथ्याङ्कअनुसार आर्थिक वर्ष २०७८ र ७९ र २०७९ र ८० मा बिसिजी खोप लगाउने बालबालिकाको सङ्ख्या ९३ प्रतिशत रहेकोमा आर्थिक वर्ष २०८० र ८१ मा ८१ प्रतिशतमा झरेको छ । 

यस्तै, पेन्टा लगायतका विभिन्न पाँच प्रकारको खोप रहेको पाँचथरी खोप लगाउने दर आर्थिक वर्ष २०७८ र ७९  र २०७९ र ८० मा शतप्रतिशत रहेकोमा आर्थिक वर्ष २०८० र ८१ मा त्यो झरेर ९३ प्रतिशतमा पुगेको प्रमुख मिजारले बताउनुभयो । 

बाहिर जिल्लाबाट हेटौडा लगायत मकवानपुरका विभिन्न स्थानमा आउने जाने क्रम भइरहेको र शिशु जन्मिने दरसमेत घटेकाले ती खोप लगाउने दर केही घटेको उहाँको कथन छ ।