काठमाडौँ । ललितपुरको बालकुमारी घटना छानविनका लागि उच्चजाने गरी भएको उच्चस्तरीय आयोग गठन हुने भएको छ । सरकारले बालकुमारी शुक्रबार भएको प्रदर्शनमा २ युवाको मृत्यु भएको घटना छानविन गर्न उच्चस्तरीय आयोग बनउने निर्णय गरेको छ । 

घटनाबारे आइतबार प्रधानमन्त्री र सत्ता तथा प्रमुख प्रतिपक्ष दलका शीर्ष नेताहरुबीच छलफल भएको थियो ।  छलफलपछि प्रधानमन्त्री पुष्पकमल दाहाल ले आयोग गठनका लागि उपप्रधानमन्त्री तथा गृहमन्त्री नारायणकाजी श्रेष्ठलाई निर्देशन दिनुभएको छ । गृहमन्त्रालयले सोसम्बन्धी प्रस्ताव तयार पारेर मन्त्रिपरिषद्मा पेश गर्नेछ । 

सोमबार बिहान बस्ने मन्त्रिपरिषद्को बैठकले आयोग गठनसम्बन्धी औपचारिक निर्णय गर्ने भौतिक पूर्वाधार तथा यातायातमन्त्री प्रकाश ज्वालाले जानकारी दिनुभएके छ । जाँचबुझ आयोग ऐन, २०२६ को दफा ३ को उपदफा २ बमोजिम आयोग गठन हुने उहाँको भनाइई छ । आयोगले सोमबारदेखि नै काम गर्नेछ ।

मन्त्री ज्वालाले पूर्वन्यायाधीशको संयोजकत्वमा न्यायिक छानबिन आयोग गठन गर्ने जानकारी दिनुभएको छ । उहाँले भन्नुभयो– ‘प्रधानमन्त्रीले आवश्यक निर्देशन दिइसक्नुभएको छ । भोलि बस्ने मन्त्रिपरिषद्को बैठकले यसबारेमा आवश्यक निर्णय गर्नेछ ।’ 

बालकुमारी घटनामा अछामका वीरेन्द्र शाह र दैलेखका सुजन रावतको मृत्यु भएको थियो । साथै मन्त्री प्रकाश ज्वाला सवार सवारी साधनमा आगजनी भएको थियो । 

गृहमन्त्रालयले त्यही  दिन घटनाको छानविनको लागि  समिति गठन गरिसकेको छ । सरकारले शनिबार मात्रै ललितपुरका प्रहरी प्रमुख, ललितपुरका प्रमुख जिल्ला अधिकारी र इपिएस कोरिया शाखाका प्रमुखलाई छानबिन नसकिँदासम्मका लागि निलम्बन गरिसकेको छ ।