जनकपुरधाम । जनता समाजवादी पार्टी (जसपा) नेपालको  प्रथम  महाधिवेशन जनकपुरधाममा आजदेखि शुरु हुँदैछ ।

उपेन्द्र यादव नेतृत्वको जसपाले जनकपुरधामको तिरहुतियागाछीमा एकता महाधिवेशन आयोजना गरेको हो ।  महाधिवेशनको उद्घाटन सत्रमा शुरु हुन लागेको जसपा नेपालका प्रवक्ता मनिष सुमनले जानकारी दिनुभएको छ । 

प्रवक्ता  सुमनका अनुसार महाधिवेशनमा सहभागी हुन देशभरबाट नेता-कार्यकर्ताका जनकपुरधाम आइपुगेका छन् । महाधिवेशनमा शुभकामना दिन विभिन्न राजनीतिक दलका नेताहरुलाई समेत निम्त्याइएको छ । 

महाधिवेशनमा २० हजारभन्दा बढी नेता- कार्यकर्ता सहभागी हुने प्रवक्ता सुमनको भनाई छ । प्रवक्ता सुमनका अनुसार महाधिवेशनका १३ सय भन्दा बढी प्रतिनिधि छन् । 

आज दिउँसो उद्घाटन सत्र पश्चात् साँझादेखि बन्दसत्र शुरु हुने छ । जसमा पार्टीको दस्तावेज, नीति कार्यक्रम प्रस्तुत गरिने छ । नयाँ नेतृत्व चयनका लागि ३० गते निर्वाचन सत्र शुरु हुने छ । २ सय १ सदस्य केन्द्रीय नयाँ केन्द्रीय समिति चयन गर्ने छ ।

हाल विधान अनुसार १५१ सदस्य केन्द्रीय समिति गर्ने प्रावधान छ । तर, विधान संशोधनको प्रस्ताव दर्ता भएकाले पारित भएर केन्द्रीय समिति २०१ सदस्यको बनाइने छ । त्यस अनुसार अध्यक्ष, उपाध्यक्ष, महासचिव, कोषाध्यक्ष लगायत २०१ सदस्य चयन गर्ने तयारी छ ।

केन्द्रीय अध्यक्षमा यादव पुनः दोहोरिने सम्भावना छ ।