सुनसरी । सुनसरीको इटहरी उपमहानगरपालिकामा मोटरसाइकल दुर्घटनामा २ जनाको मृत्यु भएको छ ।

उपमहानगरपालिका –१२ खनार चोकमा शुक्रबार राति दुर्घटना हुँदा मोटरसाइकल चालक मोरङको बेलबारी–८ का २३ वर्षीय विपिन दाहाल र मोटरसाइकलमा सवार आठ वर्षीय अभि दाहालको मृत्यु भएको सुनसरीका प्रहरी नायव उपरीक्षक नवीनकृष्ण भण्डारीले जानकारी दिनुभएको छ । मृतक दुवै काका भतिजा हुन् । 

 विराटनगरबाट इटहरीतर्फ आउँदै गरेको प्र १–०२–०४१ प ६६१९ नम्बरको मोटरसाइकललाई विपरीत दिशाबाट जाँदै गरेको प्र १–०२–००१ क ४५७८ नम्बर को ट्रकले ठक्कर दिएको थियो । ठक्करबाट मोटरसाइकलमा सवार दुवै जना गम्भीर घाइते भएका थिए । उनीहरुको उपचारका क्रममा मृत्यु भएको प्रहरी नायव उपरीक्षक भण्डारीले बताउनुभयो । 

ट्रक चालक इटहरी–२ का ३० वर्षीय प्रदीप कोइरालालाई प्रहरीले नियन्त्रणमा लिएको छ । घटनाबारे अनुसन्धान भइरहेको  प्रहरीले जनाएको छ ।