काठमाडौँ । राजधानीमा जारी त्रिकोणात्मक टी–२० क्रिकेट श्रृंखलाअन्तर्गत आज नेदरल्यान्ड्स र नामिबियाबीच खेल हुँदैछ। त्रिवि अन्तर्राष्ट्रिय क्रिकेट मैदानमा हुने आजको खेल बिहान ११ः ३० बजे सुरु हुनेछ।

आजको खेलमा नेदरल्यान्ड्स जित हात पार्दै आफ्नो शिर्षता कायमै राख्न चाहन्छ भने अङ्क तालिकाको पुछारमा रहेको नामिबिया ठूलो अन्तरले जित निकाल्दै फाइनल पुग्ने प्रयासमा रहने छ। आजको खेल दर्शकहरूले निःशुल्क हेर्न पाउने क्यानले जनाएको छ।

आजको खेलले फाइनल प्रवेश गर्ने टोलीको टुंगो लाग्नेछ । फाइनल प्रवेश गर्ने टालीले नेपालसँग खेल्नेछ ।

नेदरल्याण्ड ३ खेलमा एकमा हार र दुईमा जितसहित चार अंकाका साथ पहिलो स्थानमा छ भने नामिबिया समान ३ खेलमा १ मा जित र दुईमा हारसहित २ अंकका साथ तेस्रो स्थानमा छ । नेपाल चार खेलमा दुई जित र दुईमा हारसहित ४ अंकका साथ दोस्रो स्थानमा छ । नेपालको नेटरनरेट राम्रो भएका कारण दुई टोलीको खेलअगावै नेपाल फाइनल पुगिसकेको छ ।

नेपाल भने शनिवारको खेलमा ६ विकेटले विजयी भएसँगै फाइनल पुगिसकेको छ ।