काठमाडौँ ।  लोकतान्त्रिक समाजवादी पार्टी (लोसपा), नेपालका वरिष्ठ नेता राजेन्द्र महतोले पार्टी परित्यागको घोषणा गर्नुभएको छ । 

२०४८ सालदेखि नेपाल सद्भावना पार्टीबाट राजनीतिमा सक्रिय हुनुभएका नेता महतोले सोमबार पत्रकार सम्मेलन गरी औपचारिक रुपमा  पार्टी परित्यागको घोषणा गर्नुभएको हो । पार्टी परित्यागसँगै उहाँले ‘राष्ट्रिय मुक्ति क्रान्ति’ नामक अभियानको घोषणा पनि गर्नुभएको छ । 

केही समयदेखि लोसपा नेतृत्वसँग असन्तुष्ट रहँदै आउनुभएका नेता महतोले पत्रकार सम्मेलनमार्फत पार्टी परित्यागसहित औपचारिक रुपमा ‘राष्ट्रिय मुक्ति क्रान्ति’ नामक अभियानको घोषणा पनि गर्नुभएको थियो । नेता महतोले आफूले आज घोषणा गरेको अभियान, सङ्घर्ष र विद्रोहका रुपमा अगाडि बढ्ने पनि बताउनुभयो । आफूले लोसपा परित्याग गरे पनि त्यो क्रान्तिमार्फत सक्रिय रहने उहाँको भनाई छ । ।  
 
पार्टी परित्याग गर्नुपर्ने कारणबारे उहाँले भन्नुभयो– ‘जुन आशा र अपेक्षाअनुसार हामीले लोसपाको विकास गर्न खोजेका थियौँ, त्यसरी सो पार्टीले मुलुकलाई निकास दिनसक्ने अवस्था देखिएन । मधेस र समग्र देशका नागरिकका अपेक्षाअनुसार त्यो पार्टीले काम गर्न सकेन । त्यसैले मैले पार्टी परित्याग गरेर नयाँ क्रान्तिको शुरुवात गरेको हो ।’