काठमाडौँ । सत्तारुढ दल नेपाली कांग्रेसको  महासमिति बैठकमा पेश गर्ने सांगठनिक प्रतिवेदनमा सहमति जुटाउन शीर्ष नेताहरुको बैठक बसिरहेको छ । 

प्रतिवेदनमा सहमति जुट्न नसकेपछि सभापति शेरबहादुर देउवाले आज साँझ पदाधिकारी र पूर्व पदाधिकारीको बैठक बोलाउनुभएको हो । बैठक अहिले सभापति देउवाको निवास बूढानीलकण्ठमा भइरहेको छ । 

महासमिति बैठकमा महामन्त्री गगन थापाले पेश गर्ने सांगठनिक प्रतिवेदन प्रस्तुत गर्ने कार्यसूची छ ।  प्रतिवेदनमा सहमति जुट्न नसकेपछि सभापति देउवाले शीर्ष तहका नेतालाई छलफलका लागि डाक्नुभएको प्रचार विभाग प्रमुख मीन विश्वकर्माले  जानकारी दिनुभएको छ ।

महामन्त्री थापाले अब चुनावी गठबन्धन गर्न नहुने गरी  सांगठनिक प्रतिवेदन तयार गरेपछि संस्थापन पक्ष त्यसको विरोधमा  देखिएको छ । संस्थापनले गठबन्धन गर्ने र नगर्ने तत्कालीन अवस्थामा निर्भर हुने भन्दै महामन्त्री थापाले प्रतिवेदनमा समावेश गरेको त्यो  प्रसंग हटाउनुपर्ने माग गरेको छ ।