नेपालकैरन
काठमाडौँ । नेपाल क्रिकेट संघ (क्यान)ले कीर्तिपुरस्थित त्रिवि क्रिकेट मैदानमा बिहीबारदेखि शुरु हुने आईसीसी विश्वकप लिग–२ मा विकेटकिपर अनिल साह र युवा खेलाडी देव खनाललाई समेट्दै टोलीको घोषणा गरेको छ ।
क्यानले भोली (बिहीबार)देखि सुरु हुने नेपाल, नामिबिया र नेदरल्यान्ड्स सम्मिलित लिग–२ सिरिजका लागि राष्ट्रिय क्रिकेट टोलीको घोषणा गरेको हो ।
अनिल र देवलाई हालै सम्पन्न क्यानडासँगको एक दिवसीय सिरिजमा उत्कृष्ट प्रदर्शन गरेका कारण टोलीमा राखिएको क्यानले जनाएको छ । यद्यपि क्यानले यसअघि नै राष्ट्रिय टोलीको घोषणा गरिसकेको थियो ।
अनिल र देवले टोलीमा स्थान बनाउँदा यसअघि टोलीमा रहेका रिजन ढकाल र विकेटकिपर अर्जुन साउद बाहिरिएका छन् । लिग–२ अन्तर्गत त्रिदेशीय सिरिजमा नेपालले बिहीबार नामिबियासँग खेल्दै सिरिजको सुरुवात गर्नेछ । यस्तै दोस्रो खेल नेपालले शनिबार नेदरल्यान्ड्सँग खेल्नेछ ।
नेपाली टोली
रोहितकुमार पौडेल (कप्तान), आसिफ सेख, कुशल भुर्तेल, कुशल मल्ल, अनिल साह, आरिफ सेख, पवन सर्राफ, भीम सार्की, देव खनाल, दीपेन्द्रसिंह ऐरी, गुलशन झा, सोमपाल कामी, करण केसी, ललितनारायण राजवंशी र सूर्य तामाङ ।
लिग–२ खेल तालिका
३ फागुन बिहीबार – नेपाल विरुद्ध नामिबिया
५ फागुन शनिबार – नेपाल विरुद्ध नेदरल्यान्ड्स
७ फागुन सोमबार – नामिबिया विरुद्ध नेदरल्यान्ड्स
९ फागुन बुधबार – नेपाल विरुद्ध नामिबिया
११ फागुन शुक्रबार – नामिबिया विरुद्ध नेदरल्यान्ड्स
१३ फागुन आइतबार – नेपाल विरुद्ध नेदरल्यान्ड्स ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै