नेपालकैरन
रुकुम । रुकुमपश्चिममा २९ हजार १ सय ३३ भूकम्प पीडितले अस्थायी आवास निर्णाण गर्न पहिलो किस्ता प्राप्त गरेका छन् ।
सहायक प्रमुख जिल्ला अधिकारी प्रवेश बढुवालका अनुसार कूल ३१ हजार ६ सय २० का लागि पहिलो किस्ता बापतको रकम निकासा भइसकेको छ ।
जिल्लाका ६ वटै पालिकाका २९ हजार १ सय ३३ भूकम्प पीडितले पहिलो किस्ता बापत २५ हजार रुपैयाँका दरले रकम प्राप्त गरेका हुन् । उहाँका अनुसार सबै भन्दा बढी आठबीसकोट नगरपालिकाका नौ हजार सात सय ३२ र सबैभन्दा कम मुसिकोट नगरपालिकामा १ हजार ५ सय ४७ ले पहिलो किस्ता बापत रकम प्राप्त गरेका छन् ।
सानीभेरी गाउँपालिकामा ५ हजार ७ सय ६१, त्रिवेणी गाउँपालिकामा ४ हजार १ सय १५, चौरजहारी नगरपालिकामा ६ हजार २ सय ७९ र बाँफीकोट गाउँपालिकामा १ हजार ६ सय ९९ भूकम्प पीडितले अस्थायी आवास निर्माणका लागि पहिलो किस्ता वापतको रकम प्राप्त गरेको बढुवालले जानकारी दिनुभएको छ ।
बढुवालका अनुसार ६ वटै स्थानीय तहमा हालसम्म २५ हजारका दरले ७२ करोड ८३ लाख २५ हजार रुपैयाँ भूकम्प पीडितलाई बितरण गरिएको छ । जिल्ला विपद् व्यवस्थापन कोषबाट भने ३१ हजार ६ सय २० भूकम्प पीडितको लागि स्थानीय तह विपद् जोखिम न्यूनीकरण कोषमा ७९ करोड ५ लाख रुपैयाँ पठाएको छ ।
जिल्लामा हालसम्म २४ हजार ७ सय २६ अस्थायी आवास निर्माण सम्पन्न भएका छन् । ५ हजार ९ सय ७६ अस्थायी आवास निर्माणको चरणमा रहेको सहायक प्रमुख जिल्ला अधिकारी बढुवालले जानकारी दिनुभयो । जिल्ला अझै २ हजार ४ सय ८७ भूकम्प पीडितले अस्थायी आवास निर्माण गर्न पहिलो किस्ता पाउन बाँकी छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै