मोरङ । कोशीमा प्रदेश नामाकरणविरोधी पक्ष र  सरकारी टोलीबीच वार्ता शुरु भएको छ । कोशी नामाकरणविरुद्ध आदोलनरत समूहसँग प्रदेश सरकारले गठन गरेको वार्ता टोलीले संवाद थालेको हो । 

कोशीमा उत्पन्न समस्या समधान गर्न प्रदेश सरकारले मन्त्री कमलप्रसाद जवेगुको नेतृत्वमा ३ सदस्यीय वार्ता बनाएको थियो । पर्यटन, वन तथा वातावरण मन्त्री गणेशप्रसाद उप्रेती सदस्य र आन्तरिक मामिला तथा कानुन मन्त्रालयका सचिव लक्ष्मीप्रसाद पौडेल सदस्य सचिव रहेको वार्ता टोलीले आन्दोलनरत पक्षसँग बिहीबार विराटनगरमा वार्ता शुरु गरेको हो । 

वार्तामा  आन्दोलनरत पक्षबाट डकेन्द्र सिंह थेगिम, गोविन्दबहादुर आङबुहाङ, युवराज राई, दिवस राई, लाक्पा शेर्पा, कुमार लिङदेन मिराक, पदम लिम्बू, अर्जुन जमेली राई, जेन्टल लावती, पदम जबेगु र चन्द्रकुमार चौधरी लगायत सहभागी  छन् ।

दिवस राई र लाक्पा शेर्पा लगायतका समूह भने बिहीबारको वार्तामा आइपुगेका छैनन् । उनीहरू काठमाडौँबाट आउँदै गरेको बताइएको छ।  गत वर्ष फागुन १७ गते प्रदेशको नाम ‘कोशी’ राखेको थियो ।  कोशी नाम पहिचानयुक्त नभएको भन्दै केही समूहले त्यसविरुद्ध आन्दोलन गर्दै आएको छ । आन्दोलनमा एक जनाले जीवन गुमाइसकेका छन् ।