कैलाली । पूर्वमन्त्री तथा सत्तारुढ दल नेकपा एकीकृत समाजवादीको केन्द्रीय सचिव रामकुमारी झाँक्रीले जनतालाई नेताहरुले झूठा आश्वासन दिन बन्द गर्नुपर्ने बताउनुभएको छ । 

पूर्वमन्त्री झाँक्रीले सोमवार समाजवादी प्रेस संगठन कैलालीको आयोजनामा भएको पत्रकार सम्मेलनमा बोल्दै नेताहरुले संकटग्रस्त क्षेत्रका घरपरिवारलाई झूठा  आश्वासन देखाउने गरेको उल्लेख गर्नुभयो ।  ‘निकुञ्ज, वन, कारागार लगायतका संकटग्रस्त छन । त्यस्ता ठाउँमा आधारभुत सुविधा दिन मिल्दैन’ उहाँले भन्नुभयो– ‘ चुनावका बेला सबै सुविधा दिन्छु भनेर भोट माग्छन् । त्यो गर्नु गलत हो ।’

समाजवादी नेतृ झाँक्रीले  शुक्लाफाँटा निकुञ्ज र कैलाली कारागार नजिक बनेका घरलाई उदाहरण दिँदै भन्नुभयो –‘निर्वाचनको समय म पनि मन्त्रीसंग शुक्लाफाटा गएकी थिए । त्यहाँ मैले बोल्न त पाईन । मैले बोल्न पाए स्पष्ट भन्थे कि बफर जोनमा लालपुर्जा पाउदैन् । सेन्सेटिभ जोन (संकटग्रस्त क्षेत्र)  कहाँ हो ? सबै थाहा छ । हामीले अन्तराष्टिय कानुनमा पनि हष्ताक्षेर गरेका छौ। त्यस्ता ठाउमा झुठो बोलेर खाली भोट बैंक नबनाउ ।’ 

पूर्वमन्त्री झाँक्रीले सामाजिक विषयमा आफू स्पष्ट रहने गरेको बताउँदै भन्नुभयो– ‘यही शब्द भने दुई दिन गाली गर्लान तर गाली गरेर समस्या समाधान हुँदैन र झूठले पनि समस्या समाधान हुँदैन ।’