काठमाडौँ । राजावादीहरूको प्रदर्शन क्रममा कोटेश्वरस्थित जडीबुटी उत्पादन तथा प्रशोधन केन्द्रमा आगजनी गर्नेहरु मध्ये ४ जना पक्राउ परेका छन् । 

उपत्यका अपराध अनुसन्धान कार्यालय टेकुका एसपी अंगुर जीसिका अनुसार  सन्चोसहितका औषधि उत्पादन गर्दै आएको त्यो कम्पनीमा गत चैत १५ गते आगो लगाउनेमध्ये अहिलेसम्म ४ जना समातिएका छन् ।

पक्राउ पर्नेमा सिन्धुपाल्चोकको सुनकोशी गाउँपालिका- ४ बस्ने दिनेश खड्का छन् । खड्कालाई प्रहरीले काठमाडौबाटै पक्राउ गरेको हो ।

त्यसैगरी कम्पनीमा आगो लगाउनेमध्ये अर्का युवक ताप्लेजुङको फुङलिङ नगरपालिका-३ बस्ने सुशील बराल छन् । उनलाई पनि प्रहरीले पक्राउ गरेको छ। 

जडीबुटी कम्पनीमा आगो लगाउने अर्का युवकमा रामेछापको गोकुलगंगा गाउँपालिका-२ निवासी केशव बस्नेतपनि पक्राउ परेका छन ।

प्रहरीका अनुसार  सिन्धुपाल्चोकको बाह्रबिसेका २७ वर्षीय कुमार तामाङलाई पनि प्रहरीले पनि  कम्पनीमा आगो लगाएको अभियोगमा पक्राउ गरेको छ।

तामाङले तीनकुनेबाट अराजक हुँदै अघि बढ्ने क्रममा ट्राफिक लाइट र प्रहरी बस्ने बिट पनि तोडफोड गरेको पाइएको छ।