काठमाडौँ । आईसीसी यू–१९ विश्वकप २०२४ मा सुपर सिक्समा पुग्न अफगानिस्तानले नेपाललाई १ सय ४६ रनको मध्यम लक्ष्य दिएको छ । तीव्र गतिका बलर आकाश चन्दको घातक बलिङको सहयोगमा नेपालले अफगानिस्तानविरुद्धको खेलमा सफलता प्राप्त गर्दै अगाडि बढेको हो । 

दक्षिण अफ्रिकामा टस जितेर पहिला ब्याटिङ गर्दै निर्धारित ५० ओभरको खेलमा अफगानिस्तानले ४० दशमलव एक ओभरमा सबै विकेट गुमाउँदै एक सय ४५ रन बनायो । अफगानिस्तानका लागि अल्लाह मोहम्मद घनजानफरले सर्वाधिक ३७ रनको योगदान दिए । उनले २१ बल खेल्ने क्रममा चार चौका र तीन छक्का हिर्काए । त्यस्तै नासिर खानले ८३ बलको सामना गर्दै तीन चौकाको मघतमा ३१ रन बनाए । फरिदुन दवुदजैले २९ तथा हसन इसाखिलले २० रन बनाए । 

बलिङतर्फ नेपालका आकाश चन्द एक्लैले पाँच विकेट लिए । यस्तै दिपेश कँडेलले दुई तथा गुल्सन झा, सुवास भण्डारी र तिलक भण्डारीले एक एक विकेट लिए । नेपालले अहिले जवाफी ब्याटिङ गरिरहेको छ ।