काठमाडौँ । नेपाल भेटेरिनरी एशोसिएशनको आयोजनामा माघ दोस्रो सातादेखि ‘राइट टु प्रोटिन’ दौड प्रतियोगिता आयोजना हुने भएको छ । 

माघ १२ गतेदेखि हुने दौड प्रतियोगितामा खुला महिला तथा पुरुष हाफ म्याराथन, पुरुषतर्फ १० किमि दौड, महिलातर्फ पाँच किमि दौड तथा कक्षा १२ सम्मका विद्यार्थीका लागि पाँच किमि र तीन किमि दौड तथा फरक क्षमता भएका व्यक्तिहरुका लागि ह्विलचियर दौड (महिला तथा पुरुष) र बालबालिकाका लागि ‘रन फर फन’ विधा समावेश गरिएको आयोजक संस्थाका संयोजक डा सितलकाजी श्रेष्ठले आज आज आयोजित पत्रकार सम्मेलनमा जानकारी दिनुभयो । 

प्रतियोगितामा हाफ म्याराथनतर्फ विजेता  महिला तथा पुरुष खेलाडीले जनही रु एक लाख ५० हजार प्राप्त गर्नेछन् । दोस्रो स्थान हासिल गर्ने खेलाडीले एक लाख, तेस्रोले ७० हजार, चौथोले . ५० हजार तथा पाँचौ हुने खेलाडीले  ३० हजार रुपैयाँ पुरस्कार प्राप्त गर्नेछन् । दश किमि दौडमा पहिलो हुने खेलाडीले  ५० हजार, दोस्रोले . ४० हजार, तेस्रोले . ३० हजार, चौथोले  २० हजार र पाँचौ हुने खेलाडीले  १० हजार रुपैयाँ पुरस्कार प्राप्त गर्ने  छन् । 

यस्तै पाँच किमि दौडमा पहिलो, दोस्रो, तेस्रो, चौथो र पाँचौ हुने खेलाडीले क्रमशः  ३० हजार,  २० हजार,  १५ हजार,  १० हजार र रु पाँच हजार रुपैयाँ पुरस्कार पाउनेछन् । तीन किमि दौडमा पहिलो हुने खेलाडीले  २० हजार, दोस्रोले  १५ हजार, तेस्रोले  १० हजार, चौथोले  पाँच हजार र पाँचौ स्थान हासिल गर्ने खेलाडीले दुई हजार पाँच सय रुपैयाँ  पाउनेछन् ।

ह्विलचियरतर्फ प्रथम स्थान हासिल गर्ने खेलाडीले ३० हजार रुपैयाँ पाउनेछन् भने दोस्रो हुने खेलाडीले  २० हजार रुपैयाँ पाउनेछ । त्यसैगरी तेस्रो हुने खेलाडीले  १५ हजार, चौथोले १० हजार र पाँचौ हुने खेलाडीले  पाँच हजार रुपैयाँ पाउनेछन् । 

प्रतियोगिताको गत वर्षको हाफ म्याराथनको महिलातर्फ सन्तोषी श्रेष्ठ र पुरुषतर्फ दिपक अधिकारीले स्वर्ण पदक जितेका थिए ।