काठमाडौँ ।  राष्ट्रिय स्वतन्त्र पार्टी (रास्वपा) का सभापति रवि लामिछानेले ग्यालेक्सी टीभी छाड्दा आफ्नो खातामा १ करोड ८० लाख रुपैयाँको घण्टी नबजेको  दाबी गर्नुभएको छ ।  

सहकारीको रकम हिनामिना प्रकरणमा संलग्न भएको समाचार लगातार प्रकाशित हुन थालेपछि रास्वपा सभापति लामिछानले त्यसबारे स्पष्टिकरण दिन सोमबार आयोजित पत्रकार सम्मेलनमा यस्तो दाबी गर्नुभएको हो । 

रास्वपा सभापति लामिछाने सम्बन्धित कम्पनीले चेक दिए पनि खातामा पैसा जम्मा नभएको दोहोर्याउनुभयो ।  ‘बैंक क्लियरेन्समा पैसा नआए पनि कम्पनी रजिस्ट्रार कार्यालयमा स्लिप गएको लामिछानेको  भनाई छ । ‘१ करोड ८० लाखको चेक डिपोजिट नभएको भन्दिनँ, तर घण्टी बजेन’ सम्मेलनमा उहाँले भन्नुभयो । 

पत्रकार सम्मेलनमा रास्वपा नेता एवं पूर्व बैङ्कर अनिल केशरी शाहले रविको नाममा चेक डिपोजिट गरिए पनि खातामा पैसा जम्मा नभएको बताउनुभएको छ ।