काठमाडौँ । सत्तारुढ दल नेकपा एकीकृत समाजवादीको महाधिवेशनमा प्रस्तुत गर्ने दस्तावेजबारे छलफल भएको छ । एकीकृत समाजवादीको मस्यौदा समितिको पहिलो बैठकमा  महाधिवेशनमा प्रस्तुत गर्ने दस्तावेजबारे छलफल गरिएको हो । 

एकीकृत समाजवादीले २०८१ जेठ ३ गतेदेखि ७ गतेसम्म महाधिवेशन तय गरेको छ । महाधिवेशन सफल पार्न एकीकृत समाजवादीले मातहतका सबै कमिटीलाई यसमा केन्द्रित गरेको छ । महाधिवेशनमा प्रस्तुत हुने दस्तावेज तयार पार्न  एकीकृत समाजवादीले अध्यक्ष माधवकुमार नेपालको संयोजकत्वमा २७ सदस्यीय दस्तावेज मस्यौदा समिति बनाएको थियो । समितिले पार्टी मुख्यालय आलोकनगरमा सोमबार दस्तावेज मस्यौदा छलफल गरेको हो । 

बैठकमा आगामी महाधिवेशनमा प्रस्तुत गर्ने दस्तावेज मस्यौदाबारे छलफल भइरहेको पार्टीका उपमहासचिव तथा प्रचार विभाग प्रमुख जगन्नाथ खतिवडाले जानकारी दिनुभएको छ ।