काठमाडौँ  ।  वरिष्ठ गायक तथा साहित्यकार योगेश वैद्यकोे  निधन भएको छ ।  

७७ वर्षीय वरिष्ठ गायक वैद्यको सुन्धारास्थित काठमाडौँ भ्याली अस्पतालमा उपचारका क्रममा बिहीबार निधन भएको पारिवारिक स्रोतले जनाएको छ ।  उहाँ लामो  समयदेखि मधुमेहबाट. पीडित  हुनुहुन्थ्यो । 

वरिष्ठ गायक वैद्यको पार्थिव शरीर श्रद्धाञ्जलिका लागि केही समय नेपाल सङ्गीत तथा नाट्य प्रज्ञा–प्रतिष्ठान नक्सालमा राखिने र आजै पशुपति आर्यघाटमा अन्त्येष्टि गरिने जानकारी दिइएको छ ।

 पाँच सय नेपाली गीत तथा  एक सयभन्दा बढी  नेपाल भाषाको गीतमा स्वर दिनुभएका उहाँ पछिल्लो समय पक्षघातसम्बन्धी समस्या समेत झेलिरहनुभएको थियो । गायक वैद्यको केही समयअघि मिर्गौलासमेत प्रत्यारोपण गरिएकामा केही दिनदेखि रुघाखोकीबाट ग्रसित हुनुहुन्थ्यो ।  २००३ सालमा नरदेवीमा जन्मनुएका उहाँको पहिलो रचना ‘कति प्यासी छ जिन्दगी’ बोलको नेवारी र ‘सपना भुलाई सारा’ बोलको गीत गीत निकै लोकप्रिय छन् ।

राष्ट्रिय गीत सम्मेलनमा प्रथम तथा छिन्नलता गीत पुरस्कार, विख्यात त्रिशक्तिपट्ट प्राप्त गर्नुभएका साहित्यकार वैद्यका विभिन्न कृति समेत प्रकाशित छन् । उहाँका श्रीमती, दुई छोरी र एक छोरा हुनुहुन्छ ।