काठमाडौँ ।  प्रधानमन्त्री पुष्पकमल दाहाल युगाण्डा जानुहुने भएको छ । प्रधानमन्त्री  युगाण्डाको राजधानी कम्पालामा माघ ५ र ६ गते आयोजना हुने असंलग्न आन्दोलनका सदस्य राष्ट्रहरूको १९औं शिखर सम्मेलनमा सहभागी त्यसतर्फ जान लाग्नुभएको हो । 

परराष्ट्रमन्त्री एनपी साउद त्यसअघि नै युगाण्डा पुग्नु हुने भएको छ । परराष्ट्रमन्त्री एनपी साउद माघ ३ र ४ गते मन्त्रीस्तरीय बैठकका लागि प्रधानमन्त्री भन्दा अगाडि नै युगाण्डा जान लाग्नु भएको हो । 

युगाण्डामा मन्त्रीस्तरीय बैठक र शिखर सम्मेलन शुरु हुनु अद्धि माघ १ र २ गते हुने उच्च पदाधिकारीहरूको बैठक समेत हुँदैछ । त्यो बैठकमा परराष्ट्रसचिव सेवा लम्साल सहभागी हुने कार्यक्रम छ ।  मन्त्रिपरिषदको मंगलबारको बैठकले प्रधानमन्त्रीसहित परराष्ट्रमन्त्री र अधिकारीहरूको युगाण्डा भ्रमण स्वीकृत गरेको सञ्चार तथा सूचना प्रविधि मन्त्री रेखा शर्माले  जानकारी दिनुभएको छ ।