संखुवासभा । चैनपुर नगरपालिकामा ११ करोड रुपैयाँ खर्च गरेर खानेपानी निर्माण गरिएको छ ।  नगरपालिकाको वडा नम्बर ११ मा  ११ करोड ११ लाख रुपैयाँ खर्च गरेर सवाखोला लोहाकोट विजुवा पानी सामुदायिक लिफ्टआयोजना बनाइएको हो । 

त्यो आयोजनाबाट १ सय १८ परिवार लाभान्वित हुनेछन् । गत असारमा आएको बाढीले आयोजनामा क्षति पु¥याएको थियो । मर्मतपछि आयोजना पुनःसञ्चालनमा आएको हो । बाढीले आयोजनाको मुहानस्थल बगाएको थियो । मुहान बथाएपछि यहाँका ३ सय १८ परिवार पानीको समस्या भोग्दै आएका थिए । खानेपानी तथा सरसफाइ डिभिजन कार्यालय भोजपुरले मुहानस्थल पुनः निर्माण गरेको हो । 

आयोजनाका अध्यक्ष उद्धवराज त्रितालका अनुसार अहिले स्थानीयको घरमा पाइप जडान गरिएको छ ।  ‘केही दिनभित्र सबैको घरमा खानेपानी उपलब्ध हुन्छ’ उहाँले भन्नुभयो । बाढीले आयोजनामा क्षति पुगेपछि स्थानीयले खानेपानीका लागि सास्ती बेहोर्दैआएका थिए ।  पाँच महिनापछि  बासिन्दाले खानेपानीको सुविधा उपभोग गर्न पाएका हुन् । 

‘आयोजनाको काम सम्पन्न भइसकेको छ, चाँडै उपभोक्ता समितिलाई हस्तान्तरण गर्छौँ’  डिभिजन कार्यालय भोजपुरका प्रमुख देवनाथ सिंहले भन्नुभयो । आर्थिक वर्ष २०७५÷७६ मा आयोजना निर्माण कार्य अघि बढेको थियो ।