काठमाडौँ । संसदीय समितिले बालकुमारी घटनामा श्रम रोजगार तथा सामाजिक सुरक्षामन्त्री  र भौतिक,  पूर्वाधार तथा यातायातमन्त्रीको  भूमिका छानविन गर्न निर्देशन दिएको छ । 
प्रतिनिधिसभाको राज्य व्यवस्था तथा सुशासन समितिले गृहमन्त्रीसँगको छलफलपछि सरकारलाई त्यस्तो निर्देशन दिएको हो ।  

उपप्रधानमन्त्री तथा गृहमन्त्री नारायणकाजी श्रेष्ठसँग समितिमा सोमबार बालकुमारी घटनामाबारे गहन छलफल भएको छ । गृहमन्त्री श्रेष्ठसँगको छलफलपछि समितिले कोरियाली भाषा परीक्षा दिन माग गर्दै युवाले गरेको प्रदर्शनमा गोली चलेको घटनामा श्रम रोजगार तथा सामाजिक मन्त्री शरतसिंह भण्डारी र  भौतिक,  पूर्वाधार तथा यातायातमन्त्री प्रकाश ज्वालाको भूमिकाबारे छानविन गर्न निर्देशन दिएको हो ।

घटनामा श्रम रोजगार तथा सामाजिक मन्त्रालय र भौतिक पूर्वाधार तथा यातायात मन्त्रालयरमन्त्रीको भूमिकाबारेमा समेत छानविन गर्न निर्देशन दिने’, छलफलपछि सभापति रामहरि खतिवडाले समितिको निर्णय सुनाउँदै भन्नुभयो  ।

पानीजहाज निर्माणको कामका लागि दिएको भाषा परीक्षामा फेल भएकाहरुले उत्पादनमूलक कामका लागि लिइने भाषा परीक्षामा पनि सहभागी हुन पाउनुपर्ने माग गर्दै आन्दोलन गरिरहेका थिए । त्यही क्रममा शुक्रबार झडप भएको थियो । झडपमा २ जना युवाको मृत्यु भएको थियो ।