काठमाडौँ । ललितपुरको इमाडोलमा छोराछोरीको हत्यापछि घरको ३ तलाबाट हामफालेर आत्महत्या गरेकी रविना महर्जनको  ‘सुसाइड नोट’ भेटिएको छ । गत शनिबार महालक्ष्मी नागरपालिका–३ इमाडोल स्थित ओचुहाइटमा दुई नाबालकको हत्या गरेर ३६ वर्षीया रविना महर्जनले आफ्नो घरको तेस्रो तलाबाट हामफालेकी थिइन् ।

६ वर्षीय छोरा अश्वेत र दुई वर्षीया छोरी रिवालाई रविनाले हत्या गरेपछि आत्महत्या रोजेको प्रहरीको अनुसन्धान निष्कर्ष छ । रविनाले छाडेको सुसाइड नोटमा लेखिएको छ– ‘बच्चाहरुले दुःख पाउने भए भनेर सँगै लिएर गएँ ।’ आफ्ना श्रीमान र दिदीलाई प्रमाणको रुपमा म्यासेन्जरमा सुसाइड नोट पठाएको रविनाले उल्लेख गरेकी छन् ।’

घटनास्थलमा सुसाइड नोट फेला परेको ललितपुर प्रहरीले पुष्टि गरेको छ । प्रहरी स्रोतले भन्यो,  ‘नोट फेला परेको छ, त्यसबारे हामी अनुसन्धान गर्दैछौं ।’

एक पेज लामो नोटमा रविनाले आफूले एक्लै संसार छाड्न नसेकेको उल्लेख गर्दै भनेकी छिन्– ‘कसैसँग गुनासो र दोष छैन । मैले स्वनिर्णय गरेको हुँ ।’  रविनाले थप लेखेकी छन्– ‘जिन्दगी सोचेजस्तो भएन ।’

यो पनि...

तकियाले मुख थुनेर छोराछोरीको हत्या गरेपछि आमाले गरिन् आत्महत्या