नेपालकैरन
काठमाडौँ । प्रधानमन्त्री पुष्पकमल दाहाल प्रचण्डले नेपाली कांग्रेसले गठबन्धनबारे सोच्ने ठाउँमा पुर्याएको बताउनुभएको छ ।
प्रधानमन्त्री दाहालले नेकपा माओवादी केन्द्रको केन्द्रीय समितिमा कोशी प्रदेशमा सत्ता साझेदार दल नेपाली कांग्रेसले धोका दिएको बताउनुभएको हो । केन्द्रीय समितिमा सोमबार प्रधामन्त्री दाहाल यस्तो टिप्पणी गर्नुभएको बैठकमा सहभागी एक नेताले जानकारी दिनुभएको छ ।
बैठकमा सहभागी ती नेताका अनुसार प्रधानमन्त्री दाहालले ‘कोशीमा कांग्रेसले दिएको धोकाले गम्भीर बनाएको छ । ‘यसले गठबन्धनमा सोच्नुपर्ने ठाउँमा हामीलाई पुर्याएको छ’ भन्नुभएको छ । केन्द्रीय समिति बैठकमा प्रदेश सरकार गठन र राष्ट्रियसभा निर्वाचनमा कांग्रेसले दिएको धोकाबारे गम्भीर छलफल भएको समेत ती नेताले बताउनुभयो ।
कोशीमा सत्ता गठबन्धनबीच माओवादी केन्द्रलाई मुख्यमन्त्री पद दिने सहमति भएको थियो । तर मुख्यमन्त्रीमा दाबी पेश गर्ने दिन कांग्रेसको शेखर कोइराला पक्षका केदार कार्कीले एमालेको समर्थनमा बहुमत जुटाएर आफैं दाबी पेश गरे । त्यसपछि माओवादीले पनि कार्कीलाई नै मुख्यमन्त्रीमा समर्थन गर्न बाध्य भयो ।
त्यसपछि माघ ११ गते भएको राष्ट्रियसभा निर्वाचनमा कोशीमा माओवादी केन्द्रकी उम्मेदवार चम्पा कार्की एमाले उम्मेदवारसँग पराजित हुनुभयो । सत्ता गठबन्धन उम्मेदवार कांग्रेसका पूर्व महामन्त्री कृष्णप्रसाद सिटौला निर्वाचित हुँदा आफ्ना उम्मेदवार पराजित भएपछि माओवादी शसंकित बनेको हो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै