काठमाडौँ । सर्वोच्च अदालतले स्वास्थ्यमन्त्री मोहनबहादुर बस्नेतको बलमिच्चाइयुक्त निर्णय रोक्दै  स्वास्थ्य बीमा बोर्डका कार्यकारी निर्देशक डा दामोदर बसौलाको पक्षमा आदेश दिएको छ । 

सर्वोच्चले बसौलालाई पदमुक्त गर्ने सरकारको निर्णयविरुद्ध अल्पकालीन आदेश दिएको हो ।  स्वास्थ्यमन्त्री बस्नेतको चाहना अनुसार मन्त्रिपरिषद्ले माघ ९ गते बसौलालाई कार्यकारी निर्देशकबाट पदमुक्त गर्ने निर्णय गरेको थियो । मन्त्रिपरिषदको निर्णयविरुद्ध बसौलाले माघ २५ गते सर्वोच्चमा रिट दर्ता गराउनुभएको थियो । सर्वोच्चले शुक्रबार रिट सुनुवाइ गर्दै सर्वोच्चले बसौलाको पक्षमा आदेश दिएको हो ।

सर्वोच्चका न्यायाधीश टेकप्रसाद ढुंगानाको एकल इजलासले प्रधानमन्त्री तथा मन्त्रिपरिषद् कार्यालयका नाममा अन्तरिम जारी गरेको हो । सर्वोच्चले दुवै पक्षलाई छलफलमा बोलाइएको छ । सर्वोच्चको आदेशसँगै स्वास्थ्यमन्त्री बस्नेतको बलमिच्चाइ रोकिएको छ । डा बसौला पुनः बोर्डमा फकिने बाटो खुलेको छ ।