काठमाडौँ । सञ्चार तथा सूचना प्रविधि मन्त्री पृथ्वीसुब्बा गुरुङले  दर्ता नभएका फेसबुक लगायतका सामाजिक सञ्जालमाथि प्रतिबन्ध लाग्ने बताउनु भएको छ । 

सञ्चारमन्त्री गुरुङले  शुक्रबार सञ्चारिका समूह, नेपालको ९ औं महाधिवेशनलाई सम्बोधन गर्दै सरकारले तोकेको म्यादभित्र दर्ता नभए फेसबुक लगायतका सामाजिक सञ्जालमाथि प्रतिबन्ध लाग्ने प्रष्ट्याउनु भएको हो । सामाजिक सञ्जाल प्ल्याट्फर्महरुले नेपालको नियम मान्नुपर्ने उहाँको भनाई छ । 

सामाजिक सञ्जाल दर्ताका लागि सरकारले थप गरेको एकमहिनाको म्याद सकिन अझै केही दिन बाँकी छ । 

सञ्चारमन्त्री गुरुङले फेसबुक लगायतका सामाजिक सञ्जाल दर्ता अहिलेसम्म दर्ता नभएको जानकारी दिनुभएको छ । ‘दर्ताको लागि दिइएको म्याद एक महिना पुग्न २, ३ दिन बाँकी छ’ उहाँले भन्नुभयो– कोही आउँदैन, सरकारलाई नै टेर्दैन । भने त्यस्ता सञ्जालमाथि प्रतिबन्ध लाग्छ ।’

सञ्चारमन्त्री गुरुङले सामाजिक सञ्जाल सम्बन्धी कानुन कुनै सञ्चारमाध्यमलाई बन्द गर्नका लागि नभइ नियमन गर्नका लागि ल्याइएको स्पष्ट पार्नुभयो ।