कैलाली । कान्द्रा नदीमा तटबन्ध निर्माण अन्तिम चरणमा पुगेको छ । 

वर्षायाममा कान्द्रा नदीले वर्षेनी सयौँ हेक्टर जमिन कटान गरेपछि ५ करोड रुपैयाँको लागतमा  तटबन्ध निर्माण गरिएको हो । जिल्ला जलस्रोत तथा सिँचाइ विकास डिभिजन कार्यालयका अनुसार नदी किनारका विभिन्न खण्डमा ८३० मिटर तटबन्ध  र पाँच वटा स्पर निर्माण अन्तिम चरणमा पुगेको छ । 

भजनी नगरपालिका–९ काँडामा २१६, वडा नम्बर ४ धनौरामा २१६ र वडा नम्बर ४ धनौरामा २१६ मिटर तटबन्धको काम अन्तिम चरणमा पुगेको कार्यालयका सूचना अधिकारी टेकराज विनाडीले बताउनुभयो ।  

यसैगरी, गौरीगङ्गा नगरपालिका–९ मा १२२ मिटर, घोडाघोडी नगरपालिका–११ को सिसैयामा ६० मिटर तटबन्धको काम सम्पन्न भएको छ । वडा नम्बर ११ मा तीन र १२ मा दुई गरी पाँच वटा स्पर निर्माण सम्पन्न भएको छ । 

तटबन्धनपछि उर्बर भूमि संरक्षाण हुनका साथै नदी किनाराका बस्ती जोखिमयुक्त हुनेछन् ।