
बर्दिया । नेपाल प्राज्ञिक आधारभूत विद्यालय जब्दी, बारबर्दियाले तीनतारेको उपाधि प्राप्त गरेको छ ।
नेपाल सरकारको विद्यालय खानेपानी, सरसफाइ तथा स्वच्छता कार्यविधि २०७४ अनुसार मापदण्ड पूरा गरेपछि विद्यालयले त्यो उपाधि हासिल गरेको हो ।
नगरपालिकाले तयार पारेको कार्यविधिअनुसार अनुगमन तथा मूल्याङ्कन गर्दा बारबर्दिया नगरपालिका–११ मा अवस्थित विद्यालयले तेस्रो तारामा पनि ३० अंक प्राप्त गरेपछि सामाजिक विकास समितिले विद्यालयलाई तीनतारे विद्यालय घोषणा गरेको नगरप्रमुख छविलाल थारुले जानकारी दिनुभयो ।
बर्दियाकै पहिलो तीनतारे प्राज्ञिक आधारभूत विद्यालयका रूपमा चयन भएको विद्यालयमा सुरक्षित खानेपानी, स्वच्छ शौचालय, फोहरमैला व्यवस्थापन, साबुन पानीले हातधुने सुविधा, आकर्षक फूलबारी र दिवा खाजाको उचित व्यवस्था उपलब्ध रहेको विद्यालयले जनाएको छ ।
वाटर एड नेपालको आर्थिक सहयोगमा नेपाल प्रजनन स्याहार केन्द्र र राष्ट्रिय अपाङ्ग महासङ्घ नेपालको प्राविधिक सहयोगमा बेस संस्थाद्वारा वास गेन्स परियोजनाअनुसार विद्यालयमा काम भइरहेको बेस बर्दियाका परियोजना संयोजक जगदीशप्रसाद चौधरीले जानकारी दिनुभयो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- जाजरकोट केन्द्रबिन्दु भएर ५.५ म्याग्निच्युडको भूकम्प गयो
- रवि लामिछाने र पूर्वडीआईजी छविलाल जोशीलाई थुन्न आदेश
- ‘गणतन्त्रको विकल्प राजतन्त्र हुन सक्दैन’
- नेपालसँगको सम्बन्धलाई ठूलो प्राथमिकता दिएका छौँः प्रधानमन्त्री मोदी
- जनमोर्चाले गणतन्त्र र राष्ट्रियता रक्षाको लागि अभियान थाल्ने
- भारतीय प्रधानमन्त्रीसँग राम्रो कुराकानी भयोः प्रधानमन्त्री ओली
- गृहमन्त्रीको राजीनामा माग गर्दै राप्रपाद्वारा प्रदर्शन
- ‘देश र जनताको सेवामा रातदिन खटिँदा पनि मलाई बर्खास्त गरियो’
- हावाको गतिले घटायो वायु प्रदूषण
- बैङ्कक सोचपत्र २०३० जारी गर्दै बिम्स्टेक शिखर सम्मेलन सम्पन्न