पाल्पा ।  रामपुर नगरपालिकामा फरक क्षमता भएका व्यक्तिलाई सहायता सामग्री उपलब्ध गराइएको छ ।

रामपुर–७ मा बसोबास गर्ने फरक क्षमता भएका ९ जनालाई सहायता सामग्री (ह्विलचियर) सहयोग गरिएको हो । 

पूर्णअपाङ्गता भएका व्यक्तिलाई वडा कार्यालयले त्यो सामग्री उपलब्ध गराएको जनाएको छ । हिँँड्न नसक्ने र परिवारका सदस्यको सहयोगमा रहेका ‘क’ वर्गका पूर्णअपाङ्गता भएका व्यक्तिमध्ये आवश्यकताका आधारमा ९ जनालाई ह्विलचियर वितरण गरिएको वडाअध्यक्ष दोवराज तिवारीले जानकारी दिनुभयो । 

एक लाख ११ हजार रुपैयाँ बराबरको लागतमा सामग्री खरिद गरेर वितरण गरिएको वडासचिव गीता लम्साल पौडेलले बताउनुभयो । 

उहाँका अनुसार वडा कार्यालयबाट अपाङ्गता सहायता सामग्री खरिद शीर्षकमा विनियोजित ५० हजार र जापानी नागरिक काजुमा साकाकीमीबाट प्राप्त ६१ हजार रुपैयाँ सहयोगमा सामग्री खरिद गरी वितरण गरिएको छ ।