काठमाडौँ । डा बाबुराम भट्टराई नेतृत्वको नेपाल समाजवादी पार्टी (नयाँ शक्ति)को पहिलो महाधिवेशन आइतबारदेखि हुँदैछ । महाधिवेशनको सम्पूर्ण तयारी पूरा भएको नेपाल समाजवादीले जनाएको छ ।

नेपाल प्रज्ञा–प्रतिष्ठानमा माघ २७ देखि २९ गतेसम्म हुने महाअधिवेशनमा  एक हजार पाँच समय प्रतिनिधिले भाग लिने  व्यवस्थापन समितिका संयोजक हिसिला यमीले जानकारी दिनुभएको छ । 

पार्टीद्वारा आज  आयोजित पत्रकार सम्मेलनमा दिइएको जानकारी अनुसार पार्टीले राजनीतिक दलभित्रको आन्तरिक लोकतन्त्रलाई बलियो तुल्याउँदै पार्टी सुदृढीकरण, असल राजनीतिक अभ्यास, संविधानको मर्मअनुरुप समावेशी चरित्रको सङ्गठन निर्माणलाई प्राथमिकता दिनेछ ।

साथै महाधिवेशनमार्फत ११ जना पदाधिकारीसहित ९९ सदस्यीय केन्द्रीय समिति चयन गरिने छ । नयाँ शक्तिले मुलुकका अग्रगामी, वैकल्पिक र परिवर्तनकारी राजनीतिक शक्तिसँग सहकार्यको सम्भावना रहेको जनाएको छ ।