कञ्चनपुर । भीमदत्त नगरपालिका–६ का वडाध्यक्ष एवं नगरप्रवक्ता महेन्द्र खड्का मृत अवस्थामा भेटिनुभएको छ । नगर प्रवक्ता खड्का भीमदत्त –६ ऐठपुरस्थित सडकमा मृत अवस्थामा भेटिनुभएको हो । 

कञ्चनपुरका प्रमुख प्रहरी उपरीक्षक कमल थापाले नगर प्रवक्ता खड्काको बुधबार राति  मोटरसाइकल दुर्घटनामा मृत्यु भएको हुन सक्ने जानकारी दिनुभएको छ ।  बाटोमा राखिएका पाइपमा ठोक्किएर मोटरसाइकल दुर्घटना भएको देखिन्छ’ प्रहरी उपरीक्षक थापाले भन्नुभयो– रातिको समयमा घटना भएको देखियो ।’ उहाँले भीमदत्त नगरप्रमुख पदम बोगटीसहित जनप्रतिनिधिलाई घटनाबारे जानकारी गराएको बताउनुभयो ।

‘प्राम्भिक  हेर्दा मोटरसाइकल दुर्घटनामा परी वडाध्यक्ष खड्काको मृत्यु भएको देखिन्छ’ प्रहरी उपरीक्षक थापाले भन्नुभयो– ‘घटनाको विस्तृत अनुसन्धान प्रहरीले थालिसकेको छ ।’ बुधबार दिउँसो भीमदत्त नगरपालिकामा आयोजित सार्वजनिक सुनुवाइमा वडाध्यक्ष खड्का सहभागी हुनुहुन्थ्यो ।