नेपालकैरन
बागमती । बागमती प्रदेशका मुख्यमन्त्री बहादुरसिंह लामा (तामाङ) ले खेलकुद क्षेत्रको विकास र खेलाडीको हितलाई ध्यानमा राखेर प्रदेश सरकारले काम गर्ने प्रतिवद्धता व्यक्त गर्नुभएको छ ।
संविधान दिवस तथा राष्ट्रिय दिवस २०८१ को अवसरमा आज हेटौँडामा आयोजित विभिन्न प्रतियोगिताका पदक विजेता खेलाडीको सम्मान कार्यक्रममा मुख्यमन्त्री लामाले खेलकुद क्षेत्रको विकास र खेलाडीको हितमा हुनेगरी काम अघि बढाइएको बताउनुभयो ।
युवा तथा खेलकुद मन्त्रालय र प्रदेश खेलकुद विकास परिषद्सँग समन्वय गरेर प्रदेश सरकारले खेलकुद क्षेत्रको विकासका कार्यक्रमलाई अघि बढाएको उल्लेख गर्दै उहाँले खेलकुद क्षेत्र सरकारको प्राथमिकतामा रहेको बताउनुभयो ।
‘खेलकुद राष्ट्रको गहना मात्र होइन यसले राष्ट्रको पहिचानसमेत स्थापित गराउने काम गर्छ’ मुख्यमन्त्री लामाले भन्नुभयो– ‘यस प्रदेशलाई खेलकुदको दृष्टिकोणले अग्रणी प्रदेश बनाउन हामी प्रयत्नशील छौँ, त्यसैले खेलकुद सरकारको प्राथमिकतामा छ ।’
कार्यक्रममा युवा तथा खेलकुदमन्त्री मीनकृष्ण महर्जनले खेलकुद र खेलाडीले विश्वसामु नेपाललाई चिनाउन महत्वपूर्ण भूमिका निर्वाह गर्दै आएको बताउनुहुँदै प्रदेश सरकारले कार्यविधि तयार गरेर खेलाडीलाई सम्मान र पुरस्कार दिने व्यवस्था गर्ने योजना रहेको बताउनुभयो ।
कार्यक्रममा आर्थिक मामिला तथा योजनामन्त्री कुन्दराज काफ्ले, आन्तरिक मामिला तथा कानुनमन्त्री सुरजचन्द्र लामिछानेले खेलकुद क्षेत्रको विकासका लागि प्रदेश सरकारले सहयोग गर्ने प्रतिबद्धता व्यक्त गर्नुभयो ।
पलेशालाई सम्मान
बागमती प्रदेश सरकारले पेरिस पारा ओलम्पिकमा कास्य पदक जित्नुभएका पलेशा गोवर्धनलाई आज नगद सहित सम्मान गरेको छ ।
संविधान दिवस २०८१ को अवसरमा आज हेटौंडामा आयोजित कार्यक्रममा बागमती प्रदेशका मुख्यमन्त्री बहादुरसिंह लामा ण्तामाङ) र युवा तथा खेलकुदमन्त्री मीनकृष्ण महर्जनले संयुक्त रुपमा गोवर्धनलाई १० लाख रुपैयाँसहित सम्मान गर्नुभयो ।
कार्यक्रममा १९औँ एसियाली खेलकुद प्रतियोगितामा करातेमा नेपाललाई रजत पदक दिलाउनुभएका एरिका गुरुङलाई नगद रु पाँच लाख, पेरिस पारा ओलम्पिकमा कास्य पदक बिजेता पेलाशाका प्रशिक्षक कविराज नेगीलाई नगद रु दुई लाख तथा एरिका गुरुङका प्रशिक्षक कुशल श्रेष्ठलाई नगद रु एक लाखसहित सम्मान गरेको छ ।
मुख्यमन्त्री लामाले नेपाल तेक्वान्दो सङ्घ बागमती प्रदेश समिति र नेपाल कराते महासङ्ंघ बागमती प्रदेश समितिलाई एकरएक लाख रुपैयाँ प्रदान गरेको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- सरकार– उखु किसान वार्ता निष्कर्षविहीन
- प्रधानमन्त्री ओलीले चीन भ्रमणमा लिम्पियाधुरा र लिपुलेक मुद्दा उठाउने
- मनाङमा प्रदेशसभा उपनिर्वाचन कात्तिक १७ गते हुने
- एकीकृत समाजवादीमा पसेपछि वामदेवमा उत्साह
- प्रहरी महानिरीक्षकमा चन्द्रकुवेर खापुङ नियुक्त
- निजी विद्यालय संगठनद्वारा आन्दोलन थप चर्काउने घोषणा
- पूर्व राष्ट्रपति राजनीतिमा फर्कनु संविधानविपरीत होइन : प्रचण्ड
- इम्बोस्ड नम्बर प्लेट निर्णयविरुद्ध जागे नेपाली, आन्दोलन घोषणा
- प्रधानमन्त्री र भियतनामका उपराष्ट्रपतिबीच भेटवार्ता
- जसपाले दुई मन्त्रीलाई फिर्ता बोलायो, वीरेन्द्र र रञ्जुलाई पठाउने तयारी