काठमाडौँ । बाल यौन दूराचारको आरोपमा पक्राउ परेका तपस्बी  रामबहादुर बम्जनको घरमा पैसाको चाङ नै भेटिएको छ ।  नेपाल प्रहरीको केन्द्रीय अनुसन्धान ब्यूरो (सीआईबी) टोलीले पक्राउ गर्न जाँदा बम्जनको बूढानीलकण्ठस्थित घरमा ३ करोड ३४ लाख रुपैयाँको चाङ भेटाएकोे हो 

सीआईबीले बम्जनको घरमा ३ करोड ३ लाख ७५ हजार ५ सय नेपाली रुपैयाँ र विभिन्न १७ देशका ३० लाख ९२ हजार ४ सय ६ रुपैयाँ बराबरको विदेशी मुद्रा भेटिएको जनाएको छ ।  बम्जन कहाँ त्यत्रो पैसा कहाँबाट कसरी आयो ? स्रोत के हो ? भन्नेबारे अनुसन्धान भइरहेको सीआईबीले जनाएको छ ।

सीआईबीले बम्जनको घरमा ३ करोड ३ लाख ७५ हजार ५ सय नेपाली रुपैयाँ र विभिन्न १७ देशका ३० लाख ९२ हजार ४ सय ६ रुपैयाँ बराबरको विदेशी मुद्रा भेटिएको जनाएको छ ।  बम्जन कहाँ त्यत्रो पैसा कहाँबाट कसरी आयो ? स्रोत के हो ? भन्नेबारे अनुसन्धान भइरहेको सीआईबीले जनाएको छ ।

सीआईबीले बम्जनलाई पक्राउपछि उनको गतिविधि छानविन गर्ने क्रममा धुम्बाराहीस्थित एक शोरूमबाट ५ करोडको ल्याण्ड क्रुजर गाडी खरिद गर्न ३ करोड रुपैया अग्रिम भुक्तानी दिइसकेको समेत फेला पारेको छ ।  प्रहरीले अनुसन्धनकाृ क्रममा बम्जनको घरबाट १४ थान मोबाइल, ७ थान ल्यापटप र आइप्याड, २० थान पेनड्राइभ समेत बरामद गरेको छ । 

बम्जनको घरबाट घरबाट बरामद भएको पैसा, मोबाइल, ल्यापटप गाडी, स्कुटर लगायत करोडौं मूल्य बराबरको धनमाल प्रहरीले सार्वजनिक गरेको छ ।  बाराको हलखोरियामा रहेको जंगलमा तपस्या गरेर बसेका बम्जनपछि सिन्धुलीको कमलामाई नगरपालिका वडा नम्बर ८ मा वन अतिक्रमण गरी आश्रम बनाएर बस्दै आएका थिए । तपस्बी बम्जनलाई त्यहीबेला सर्लाही जिल्ला अदालतले २०७६ सालमा बाल यौन दूराचारको अभियोगमा पक्राउ पुर्जी जारी गरेको हो । 

सीआईबीका प्रवक्ता नवराज अधिकारीले  बम्जनलाई  छिट्टै सर्लाही जिल्ला अदालतमा पेश गरिने जानकारी दिनुभएको छ ।