काठमाडौँ । भारतीय विदेशमन्त्री डा एस जयशंकर नेपाल आइपुग्नुभएको छ । विदेशमन्त्री जयशंकर नेपाल– भारत संयुक्त आयोगको सातौँ बैठकमा भाग लिन बिहीबार बिहान नेपाल आइपुग्नुभएको हो। 

भारतीय विशेष विमानमार्फत आउनुभएका विदेशमन्त्री जयशंकरलाई त्रिभुवन अन्तर्राष्ट्रिय विमानस्थलमा परराष्ट्रमन्त्री नारायणप्रकाश साउदले स्वागत गर्नुभएको छ ।  संयुक्त आयोगको बैठक पुस १९ र २० गते काठमाडौँमा हुँदैछ ।  बैठक आजै दिउँसोदेखि होटल याक एण्ड यतीमा हुनेछ ।  बैठकमा दुई देशको सम्झौतामा हस्ताक्षर हुने मन्त्रालयले जनाएको छ ।

बैठकमा परराष्ट्रमन्त्री साउद र उहाँका भारतीय समकक्षी डा यशंकरले आ(आफ्नो प्रतिनिधिमण्डलको नेतृत्व गर्नुहुनेछ । बैठकले द्विपक्षीय सम्बन्धको समग्र अवस्था र आपसी सहयोगका विभिन्न क्षेत्रको समीक्षा गर्ने परराष्ट्र मन्त्रालयले जनाएको छ ।

विदेशमन्त्री डा यशंकरले राष्ट्रपति रामचन्द्र पौडेल र प्रधानमन्त्री पुष्पकमल दाहालसँग पनि  छुट्टाछुट्टै शिष्टाचार भेटवार्ता गर्नु हुनेभएको छ  । 

परराष्ट्रमन्त्री साउदले भारतीय विदेशमन्त्री जयशंक र उहाँको तिनिधिमण्डलका सदस्यहरूको सम्मानमा रात्रिभोजको आयोजना गर्नुहुनेछ । विदेशमन्त्री डा जयशङ्करले शुक्रबार त्रिभुवन विश्वविद्यालयको केन्द्रीय पुस्तकालय र भूकम्पपछिका पुनःनिर्माण परियोजनाको उद्घाटन गर्नुहुनेछ । विदेशमन्त्री डा जयशंकर त्यसपछि भोलि नै स्वदेश फर्कनुहुनेछ ।