प्युठान । प्युठानको ऐरावती गाउँपालिकाले पालिकाभित्र बालविवाह भएको वा बालविवाह हुन लागेको छ भन्ने पूर्वसुचना दिने व्यक्तिलाई पुरस्कार दिने भएको छ ।  

सोमबार सम्पन्न गाउँपालिकाको १४ औं गाउँसभाले पालिकाभित्र बालविवाह न्यूनिकरणका लागि बालविवाह भएको वा हुन लागेको छ भनेर पूर्व जानकारी दिने व्यक्तिलाई नगद रु २५ हजार पुरस्कार दिने निर्णय गरेको हो । 

गाउँपालिकामा बालविवाह गर्नेको संख्या अत्याधिक बढेपछि रोकथाममा लागि बालविवाह गर्नेको सुचना दिने व्यक्तिलाई पुरस्कारको ब्यवस्था गरिएको गाउँपालिकाका अध्यक्ष नविल विक्रम शाहले बताउनुभएको छ ।  बालविवाह भएको, हुदै गरेको वा हुने जानकारी गाउँपालिकाको कार्यलयमा, प्रहरी कार्यालयमा वा जनप्रतिनिधिलाई जानकारी गराउन समेत पालिकाले अनुरोध गरेको छ । यसरी सूचना दिने व्यक्तिको नाम गोप्य  राखिने अध्यक्ष शाहको भनाई छ ।